آيات مشهورة من الكتاب المقدس منᤕᤢᤜᤢᤴᤏᤠ 12

شارك

ᤀᤠᤳᤋᤡᤸᤗᤧ ᤀᤡᤱᤃᤠ᤹ ᤛᤧᤘᤠ ᤆᤥ᤺ᤰᤁᤠ ᤂᤧᤸᤗᤧ ᤀᤡᤱᤃᤠ᤹ ᤋᤡᤶᤔᤠᤀᤣ ᤐᤥᤱ. ᤜᤧᤰᤁᤣ᤺ᤸᤗᤧ ᤀᤡᤱᤃᤠ᤹ ᤀᤠᤳᤋᤥ ᤘᤠ᤹ᤀᤠ. ᤀᤡᤱᤃᤠ᤹ ᤀᤠᤛᤣᤘᤠᤖᤥᤒᤠᤴᤏᤠᤱ ᤂᤧᤵᤔᤥᤀᤣ ᤘᤠ᤹ᤖᤥ॥ ᤀᤠᤳᤋᤡᤸᤗᤧ ᤛᤧᤘᤠ ᤆᤥ᤺ᤰᤁᤠ ᤂᤧᤱᤃ ᤐᤠᤏᤢᤍᤡᤱ ᤀᤠᤶᤒᤠᤖᤧ ᤔᤡᤱᤛᤥ ᤀᤡᤱᤎᤠᤱ ᤐᤡᤖᤢᤖᤥ॥”

ᤀᤠᤳᤋᤡᤸᤗᤧ ᤏᤧᤳᤋᤡᤃᤧᤴ ᤁᤢᤜᤡᤱᤔᤴᤏᤡᤴ ᤗᤢᤱᤔᤠ᤹ ᤋᤢᤰᤋᤢ᤹. ᤂᤧᤸᤗᤧ ᤔᤠᤛᤢ᤹ᤖᤥ. ᤁᤖ ᤀᤠᤳᤋᤡᤸᤗᤧ ᤁᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤏᤧᤳᤋᤡᤃᤧᤴ ᤁᤢᤜᤡᤱᤔᤴᤏᤡᤴ ᤌᤣᤀᤠᤱ ᤔᤧᤀᤡ᤺ᤳᤋᤢᤴ. ᤂᤧᤸᤗᤧ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴᤏᤡᤴ ᤛᤧ᤺ᤵᤋᤢ ᤕᤢᤰᤂᤢ᤹ᤖᤥ॥

ᤀᤡᤱᤃᤠ᤹ ᤛᤧᤰᤂᤠᤀᤣ ᤔᤧᤳᤏᤡᤱ. ᤕᤠ᤹ᤖᤡ᤺ᤶᤒᤠᤴ ᤂᤠᤶᤔᤥ ᤔᤰᤌᤠᤀᤠᤱ ᤔᤧᤴᤇᤡᤀᤣ ᤌᤠᤖᤡᤰ ᤂᤧᤱᤃ ᤌᤡᤰᤗᤰ ᤏᤧᤖᤥ॥ ᤁᤖ ᤂᤧᤴ ᤛᤡ᤺ᤏᤧ ᤑᤠ᤹ᤃᤪ ᤂᤧᤴᤗᤠᤶ ᤕᤖᤡᤰ ᤐᤥᤃᤢᤃᤧᤴ ᤁᤢᤈᤠ᤹ ᤌᤥ᤺ᤰᤗᤥ॥

ᤀᤡᤱᤃᤠ᤹ᤃ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤀᤥ᤺ᤳᤋᤡ ᤜᤧᤰᤁᤣ ᤋᤩᤠᤱᤅᤠᤱ ᤘᤠ᤹ᤀᤠᤖᤥ. ᤜᤧᤰᤁᤣ᤺ᤸᤗᤧ ᤀᤡᤱᤃᤠ᤹ ᤏᤛᤠᤴ ᤁᤧᤈᤥ᤺ᤰᤐᤠᤜᤠ᤹ ᤀᤠᤳᤋᤡᤴᤏᤠᤱ ᤂᤠᤍᤠᤶᤔᤥ ᤘᤠ᤹ᤔᤠ ᤔᤧᤒᤥᤱᤏᤧᤸᤗᤥ॥

“ᤀᤠᤳᤋᤡᤴ ᤔᤏᤠ᤺ᤸᤗᤧ ᤀᤡᤱᤃᤠ᤹ ᤐᤠ᤺ᤳᤋᤢᤱᤒᤠ ᤀᤠᤒᤠ᤺ᤴᤈᤠᤰᤜᤠ᤹ ᤂᤧᤵᤛᤢ᤹ ᤁᤖ ᤔᤧᤀᤡ᤺ᤳᤋᤢᤴ ᤔᤧᤏᤠ᤺ᤳᤋᤢᤴ. ᤂᤧᤴ ᤂᤠᤛᤧᤴ ᤔᤧᤈᤥᤃᤢᤱᤅᤡᤴ. ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤂᤠᤛᤧᤴ ᤆᤥ᤺ᤰᤛᤧ ᤔᤣ᤺ᤴ. ᤁᤖ ᤋᤠᤱᤛᤧ᤺ᤵᤛᤧ ᤋᤩᤠᤱᤒᤠᤖᤥ॥

ᤂᤧᤴ ᤕᤧᤶᤔᤥ ᤔᤖᤡᤕᤶᤔᤡᤸᤗᤧ ᤀᤡᤔᤧᤸᤗᤢᤱᤒᤠ ᤐᤠᤱᤒᤥ᤺ᤰ ᤑᤢᤱᤏᤠᤶᤔᤡᤸᤗᤧᤴ ᤆᤢᤰᤛᤠ ᤐᤷᤕᤠᤔᤠᤎᤡᤰ ᤋᤠᤖᤢᤀᤠᤱ ᤕᤧᤛᤢᤖᤧ ᤁᤢᤗᤠᤱᤅᤥ ᤜᤢ᤺ᤳᤋᤢ. ᤜᤧᤰᤁᤩᤠᤱ ᤕᤧᤛᤢᤖᤧ ᤁᤢᤗᤠᤱᤅᤡᤴ ᤁᤢᤎᤧᤃᤣ᤺ᤰᤀᤡ᤺ᤸᤗᤧ ᤋᤢᤃᤢᤖᤥ॥ ᤂᤧᤴ ᤁᤢᤏᤠᤶ ᤁᤧᤏᤢ᤹ᤒᤠ ᤑᤢᤱᤏᤠᤶᤔᤡᤸᤗᤧ ᤜᤡᤶᤔᤡᤴ ᤕᤠᤰᤋᤢᤖᤥ॥

ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ ᤂᤧᤒᤰᤛᤡᤱ ᤐᤥᤖᤠ᤺ᤰᤜᤠ᤹ ᤔᤧᤕᤠᤱᤛᤡᤱᤅᤠᤱ ᤂᤢᤏᤧ᤹ ᤁᤢᤍᤢᤶᤛᤧ ᤗᤠᤶᤍᤣ᤺ᤱ ᤌᤠᤖᤡᤰ ᤔᤧᤒᤣᤖᤥ॥ ᤀᤰᤂᤣᤗ᤹ᤖᤡᤰ ᤂᤧᤱᤜᤠ᤹ ᤔᤧᤀ᤺ᤰᤋᤧ. “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤐᤥᤖᤖᤥ᥄ ᤕᤜᤘᤣ ᤍᤠᤱᤒᤠᤸᤗᤧ ᤁᤢᤔᤡᤱᤅᤥ ᤁᤧᤍᤠᤒᤠᤴ ᤔᤢ᤹ᤀᤡᤛᤠᤒᤠ ᤐᤥᤱᤗᤖᤥ॥ ᤀᤡᤛᤪᤠᤀᤡᤗᤛᤔᤠ ᤜᤠᤱᤅᤡᤴ ᤔᤢ᤹ᤀᤡᤛᤠᤒᤠᤖᤥ᥄”

ᤕᤧᤛᤢᤖᤧ ᤐᤠ᤺ᤳᤋᤢ. “ᤔᤧᤴᤇᤠᤶᤛᤠ᤺ᤸᤗᤧ ᤁᤢᤔᤡᤔᤡᤍᤡᤱ ᤐᤥᤱᤔᤠ ᤕᤧᤶ ᤋᤩᤧᤀᤠᤱ ᤘᤠ᤹ᤖᤥ॥