آيات مشهورة من الكتاب المقدس منMark 15

شارك

Jesus otsa̱a̱kiitsspaihtsisi omi̱ awo̱y'sstaakssini, itsohka̱i̱nihkatsimawa: “Eli! Eli! La̱matsapahtani?” — “Ninna̱yi! Ninna̱yi! Kima̱o̱'kssakimmokihtsi?” a̱nnayi anista̱panio'sinayi a̱mohka noohki̱i̱tsii'powahsina.

Ki omi̱i̱ksi a̱waawahka̱o̱tsiyiksi omi̱ otsi̱naaimoaawayi, ito̱'ta̱i̱poyiinayi; na̱i̱noyiiwa Jesus manistsi̱'niihpi, itani̱i̱wa, “I̱i̱maniiwa otohko̱yi̱mmiyissi A'pistotookiwa.”

Ki omi̱ otsita̱waatsi̱moyihka̱a̱hpoaayi, niita̱'pomahkita̱waatsi̱moyihkao'pa, pisto̱o̱htsi a̱nnayi iitso̱o̱hkahpa̱nii'kahta̱i̱htsawa, niita'psspiksiwa na̱aipisstsiiwa. Ki ota̱i'n'ssi Jesus oma̱ na̱aipisstsiwa sta̱mipiinihkaawa omi̱ spo̱o̱htsi ki omi̱ kapoksi̱i̱nimaani ito̱'tsipiinihkaawa.

Ki a̱nnia̱yi Jesus ita̱wa̱tssohka̱ohkomiwa, itsi̱'niiwa.

Ota̱'nitsisama̱oy'sstaahpiawa̱yi niwo̱kskao'ta̱koohsi, ota̱i'ihtatsikia̱iksistsikohsi, itohka̱naisski̱i̱nattsiwa; niitsisa̱mm'sski̱i̱nattsiwa niwo̱kskao'ta̱koohsi.

Ki oma̱ Pilate itani̱stsiksim'stawa ma̱hkaahsi̱'takiattsaahsi amo̱i̱ o̱tapiy'ssi̱ni; sota̱mitssaipo'toyiiwa omi̱ Barabbas. Sta̱mitanistsiiwa omi̱i̱ksi ota̱'pao'tomookiksi, “Anna̱hka Jesus isstsipi̱sook, istsi̱i̱stapi̱piooka ka̱hkita̱woy'sstaawaawa.”