آيات مشهورة من الكتاب المقدس منYohanis 6

شارك

La Yesus bilang par dong, “Beta ni Roti yang batul-batul datang dari sorga, yang bisa biking manusia hidop tarus-tarus deng Allah. Sapa yang datang par Beta, dia nanti seng lapar-lapar lai. La sapa yang parcaya Beta, dia nanti seng aos-aos lai.

Allah pung Roh tu yang biking manusia hidop tarus-tarus deng Antua. Manusia seng bisa harap dia pung kuat sandiri par biking dia hidop tarus-tarus. Apa yang Beta su bilang tu, akang asal dari Allah pung Roh deng bisa biking kamong hidop tarus-tarus deng Allah.

Jang karja cuma par cari roti yang nanti bisa rusak. Mar labe bae karja par cari roti yang seng bisa rusak, yang bisa biking kamong hidop tarus-tarus deng Allah. Beta ni Ana Manusia. Jadi Beta yang nanti kasi roti tu par kamong, tagal Beta pung Bapa su angka Beta la su kasi kuasa par Beta par biking bagitu.”

Tagal yang Beta pung Bapa mau tu, sapa sa yang tau kalo Beta ni Allah pung Ana la parcaya Beta, dia nanti hidop tarus-tarus deng Allah. La waktu dunya ni su mau abis, Beta nanti kasi hidop dia kombali.”

La Yesus bilang par dong, “Dengar! Yang Allah mau tu, kamong musti parcaya Beta, Orang yang Allah utus ka dunya ni.”

Samua orang yang Beta pung Bapa su kasi par jadi Beta pung orang-orang tu, dong nanti datang par Beta. Kalo dong datang, Beta pasti tarima dong deng seng user dong.

Mar Simon Petrus bilang par Antua, “Sio Tuhan e! Katong mau pi par sapa lai? Cuma Tuhan sandiri sa yang bisa kasi tau bagemana katong bisa hidop tarus-tarus deng Allah.

Beta ni Roti yang hidop, yang turung dari sorga tu. Sapa yang makang Roti ni, dia nanti hidop tarus-tarus deng Allah. Roti yang Beta maksud tu Beta pung badang sandiri yang Beta kasi par manusia di dunya biar dong bisa hidop tarus-tarus.”

Seng ada satu orang lai yang bisa datang par Beta kalo Beta pung Bapa yang utus Beta tu seng bawa dia par Beta. Sapa yang datang par Beta, Beta nanti kasi hidop dia kombali waktu dunya ni su mau abis.

Barang, roti yang Beta pung Bapa kasi tu roti yang turung dari sorga par biking manusia di dunya ni hidop tarus-tarus.”

Beta ni Roti yang batul-batul turung dari sorga, yang bisa biking manusia hidop tarus-tarus deng Allah.

Abis itu, Yesus ambe roti tu la sombayang minta dangke dari Allah par akang. Abis itu, Antua bage-bage akang par samua orang yang dudu di situ. Antua biking bagitu lai par ikang-ikang tu. Dong samua tu makang puas-puas. Waktu dong samua su makang sampe kanyang, Antua bilang par Antua pung murid-murid tu kata, “Tolong kumpul makanang yang labe tu do! Jang kasi tinggal akang tabuang-buang bagitu!”

Pas dong su panggayo mangkali barang lima anam kilometer bagitu, dong lia Yesus ada bajalang di atas aer datang ka dong pung parau. Dong takotang paskali. Mar Yesus bilang par dong kata, “He, jang taku! Ini Beta ni.”