آيات مشهورة من الكتاب المقدس منमति 23

شارك

नेलाइता झाराङ खान्तेङ बारका चाहि, झाराङको सेवा पालि गोइयावा।

हाइपालिपानु हासु बुङ ताइमिहेङ बारका बानाइखे, वासेहेङ लेता हु्ल्पावा, कालाउ ताइमिहेङ लेता हुल्पाका चाहि बारका बानाइयावा।

नेलाइको भाअ्सिङ हेथे थिलि गोइका हि! व्यवस्था धिरपाका द्‍याङगेलाइ कालाउ फारिसिगेलाइ, नेलाइते कपटिगेलाइ हिसुना! नेलाइ पुदिना, सम्पोइ, कालाउ जिराको दसाङसा परमेस्वरहेङ पिसुखेना। कालाउ व्यवस्थाको मुलि न्याय, दाया कालाउ खाङधुरि योग्य भाइका काथागेलाइहेङ हेला पासुखेना। भरु इङको आरु काथागेलाइ दोफाङ न्याय, दाया कालाउ खाङधुरि यग्यो जेङतेङ हिसु।

नेलाइको भाअ्सिङ हेथे थिलि गोइका हि! व्यवस्था धिरपाका द्‍याङगेलाइ कालाउ फारिसिगेलाइ, नेलाइते कपटिगेलाइ! नेलाइ इसिका भान्डागेलाइदोङ जेदोङ बाहारसो जाहाँका हि, कालाउ लिता चाहि न्हाम्का हि। इङको इदोइ दोङ कि नेलाइ ताइमिहेङ रेम्का द्‍याङगेलाइ भाइका तिङपासुखेना। कालाउ नेलाइको ह्रदय दिका स्वार्थाहोइ पोङघाका हि।

ओइ यरुसेलेम सहरको द्‍याङगेलाइ! परमेस्वर दोङ दिङगिल्का बक्तागेलाइहेङ नाअ् उन्ठुइहोइ तोअ्तेङ सेअ्सुखेना। जेसाङ कियाको भुन्दि किचानगेलाइहेङ पोमावा का बुङ नाङको चान-चामिन्दिगेलाइहेङ बान्चिपालि खाङघा कालाउ नाअ् माकिन्हा।

नेलाइ बुङ इन्सिकाङ बाहारसो नेलाइहेङ धर्मि भाइपा देखाल जेङसुखेना, कालाउ लिता चाहि नेलाइ कपटि कालाउ दुस्टहोइ पोङघातेङ हिसुखेना।