آيات مشهورة من الكتاب المقدس منJɔn 15

شارك

Mo ya azed vayìn. Mbə̰ ya tìtab. Mbə̰ mə̀ chùghi ane anug amɔʼ tì inum icheg ne mə bə yaʼ ane anug amɔʼ tì inən, mbə biri ya ko titam kwàʼ ti ndan ndàn. Àmə chəyi mo, chəyi aghi mɔ̀ʼɔ ne tì mbə̰ ghì.

Mbə mə̀ chè imbìghè ni yaʼ ane anug amɔʼ tì inum, mə biri bə chè imbìghè ni yaʼ ane anug amɔʼ tì nən. Chəyi fìtab azed mɔ̀ʼɔ ne tì fi ko titam ne chəyi fi yaʼ ywìrè yi ane ìtḭ vayìn. À ya icheg ne mbə̀ bə yaʼ. Chəyi wə̀d abɔ̀ʼ inən ne tì wì ghì inug mɔ̀ʼɔ ane ìwi ighəm ne chəyi məd we ywìrè ane anug amɔʼ tì inum.

Mbə̰ mə̀ chughi ane anug amɔʼ tì inum, ìmə ìngam bə̀ yaʼ inga inən, aghi ne mbə nɔ̰ Ìmə Mbaʼ, wì biri nàʼ inən.

À ya mo chɔʼi awən, kayi mbə̰ ya chɔʼi amə. À ya mo bə tɔm awən gha mbə̀ gho ko titam ne biri yaʼ ane ighə̀m imɔʼ. Mbə̰ mə̀ fàʼ ane, nji ìmə Mbaʼ biri nàʼ ighi ijìm mbe ne mbə nɔ̰ ibo ane ìmə ikum.

Chəyi iku àkɔ̀ŋì mɔ̀ʼɔ ne che àze ni gha, wə̀d ku atog abə ìmbi mə̀sə̀ʼ.

Wì ya sɔ̀pɔ̀ tìtab te ne igun inum, ne chəyi te ko titam. Àsi tìtab te ne ko titam, wì ya sèpè ni ghì gha te taŋ ko.

Ikə ne mə nàʼà inən ya gha: Mbə̀ ya kɔ̀ŋɔ̀ wə̀d imɔʼ imɔʼ kwàʼ icheg ne mə bə̀ kɔ̀ŋɔ̀ awən.

Mbə mə̀ ya ko titam ndan ndàn ne chwìye gha mbə̰ ya ìmbum mə̀mə̀nənùg, ìmə Mbaʼ ya nìŋə ighumni.

Yeso ya ghà abə ìmbi mə̀mə̀nənùg gha, “Mo ya azed vayìn ne ko, ne tì wə̀d nɔŋì fìŋ igun. Ìmə Mbaʼ ya wə̀d ne fàʼà inga mben vayìn.

Wə̀d ne chəyi wì chughi ane anug amɔʼ tì inum, tengàŋ ya icheg fìtab fə ne mbi sɔbi waʼ, fi zɔm. Iku tìtab te ya mbe gwe, màʼà inga iywid, ìto̰.

Mə fə ghà inug mbo̰ inən, ni ghì gha mbə̀ ya gyende kwàʼ icheg ne mə bə̀ gyènde. À ya ni ghì gha mbə̀ ya taŋ gyènde.

Mbə̰ mə̀ ya zùgrə anug ne mə̀ ghà, mə biri chè imbìghè ni ya kɔ̀ŋɔ̀ awən. À ya icheg ne mo inum bə̀ chè imbìghè ni ya zùgrə ìmə Mbaʼ. Ane, məd bə̀ chè imbìghè ni ya kɔ̀ŋɔ̀ amə.

Ikə ne mə nàʼà inən ya gha: Mbə̀ ya kɔ̀ŋɔ̀ wə̀d imɔʼ imɔʼ.”

Àkə ni gha mbə yaʼi abɔ̀ʼ bəd inga isəg, nji mbi ya kɔ̀ŋɔ̀ awən icheg ìmbɔb bəd. Tesiʼ ya gha, chəyi mbə̰ yaʼi abɔ̀ʼ bəd inga isəg. Mə fə chɔʼ awən chì inga isəg. À ya aton ne, bəd inga isəg mbe pàbà awən.