آيات مشهورة من الكتاب المقدس منWongeela Yohaannisii 2

شارك

Yesuus qachaa Qaana'aa ka lafa Galiila'aa keessatti bilbaasa qaraa kana huje; achitti ulfinna ifii mudhisee, barattooti isaalle isatti dhugeeffatane.

Yesuus, “Aayyaa, waan huju anatti himu'uuf hin malle; yennaan tiyya ammalle hin geenne” jedhee deebise.

Yesuus tajaajiltootaan, “Okkotoota san bisaaniin guuta'a” jedhe. Isaanille haga afaanii guutane. Achiin duuba inni isaaniin, “Amma budduussa'aatii, itti gaafatamaa jilaatitti geessa'a” jedhe. Isaanille isaaf geessane.

Yesuus, “Galma Waaqaa kana diiga'a! Ani guyyaa sad keessatti deebisee hin ijaaraa” jedhee deebise.

Maarre inni lichee wodaro'oo dhowatee, isaan maraa, hoole'ee fi loon, horii maraayyuu Galma Waaqaa keessaa gad oofe; inni xarapheessaa worra beesee jijjiiratuu garaggaggalchee beesee isaaniille bittanneesse. Worra saphaliisa gurguratu saniin, “Waan kana as keessaa gad baasa'a! Mana Abbaa kiyyaa addee dikko'oo hin godhina'a!” jedhee ajaje.