آيات مشهورة من الكتاب المقدس منMatiyu 5

شارك

Oo lɔ mínngɛ, mɔɔn tɛ́ tá bhyáala laman ŋo la tó kɛ pála ŋó mbíin a kunnan. Wáa mɔɔn é a siila lamannziife ne ka ké aa kɛ́ɛnɲan lábhɔ bhóngɔɔnnɔnbhaa olu bɛ́ yɛ. A yɛ́ kɛ́ɛnɲan ó kákan kɛ máan njé ne mɔɔndhye ŋólu ɲánla ké ii a kɛ́ko bhɛ́ɛ ólu yé, tó a Fá mín ŋé sá ŋó lɔ, ii o bwóɲan.»

Ále léelu é kɛ́ɛnɲan lé dínɲan mɔ́ɔndhye ŋólu yɛ. Só mín nziinin ngɛ́ kɛ́ tii o ka, o só ó tɛ́ sé lóonan

Mɔɔn mínnu yóso ó gbɛ́nin ɲe, yeemanfaa é olu yɛ, kɛ mansɔɔ olu yáa Ala yé!

Téleɲan ó nɛ́li é mɔɔn mínnu la, yeemanfaa é olu yɛ, kɛ mansɔɔ Ala yáa i dhyáaɲɛnngo kɛ!

Wáa née fɔ́la a yɛ́ ngó a yúu ólu kó á dhyáa á yɛ́, áa Ala dɛ́li a tɔ́lɔbhaa olu yɛ.

«Mɔɔn mínnu a lɔ ŋóo íi faannda né i yóso o lɔ, olu yeemanfanin ɲé, kɛ mansɔɔ í yáa sángboo ó Mansaya o sɔ́ɔ!

Mɔɔn mín núu mɔɔn ólu cɛ́lɔbhyɛnan, yeemanfaa é olu yɛ, kɛ mansɔɔ fɔ́ yáa kɛ́ olu man kó Ala dhyé nú!

Mɔɔn mín núu kásila, yeemanfaa é olu yɛ, kɛ mansɔɔ Ala yáa i yóso láyii!

Ii mɔɔn mínnu tɔ́lɔla i yɛ téleɲan o kósɔn, yeemanfaa é olu yɛ, kɛ mansɔɔ i yáa Ala yɛ́ Mansaya ó hɛ́lɛ o sɔ́ɔ.

Hínnɛn é mɔɔn mínnu yóso lɔ, yeemanfaa é olu yɛ, kɛ mansɔɔ Ala yáa hínnɛn olu la!

Ni mɔɔn ólu kɛ́ kɛ́ a nɛ́ɛnnan, wáman kɛ́ kɛ́ a tɔ́lɔla, wáman kɛ táa fwɔnɲan yóo mbɛ́ súu la lé a lá kɛ kun ngɛ́ a yɛ́ lánanya ó lé né la, álee yeemanfanin ɲé. Áa í ɲáanli, kɛ a nisɔdhyaa gbúnigbukɛ, kɛ mansɔɔ bhaayeba é a yɛ́ sá ŋó lɔ. Sɔ, ii céla ólu tɔ́lɔ céne íkwɔ.»

Mɔɔn mínnu sáwɛɛnin ŋe, yeemanfaa é olu yɛ, kɛ mansɔɔ lúukolo ó yáa kɛ́ i ta le!

Ɛnza ŋé fɔ íkwɔ kó: «Ále lée lúu kɔɔ o lé dínɲan la. Wáa ni kɔɔ ó tá dhyáalaa ó kɛ́ bhɔ́ a lá, a káa mínnɛɛn lé ɲán bhée? Ké tɔɔn gbɛ́ɛ le tɛ́ a lá bhée ŋwé, o ɲán o mán, fɔ́ kɛ a lafii kɛ́ɛnman lé tó mɔɔn ólu í sé gbáan gbáan a ka.

Oo lɔ mínngɛ a yɛ́ kó o bɛ́ télenin ŋan kɛ́ o yóo a Fá mín ŋé sángboo ó lɔ, o yɛ́ kó ólu télenin ŋé tɛ́nmɛn.»

Mɔɔn mín ngɛ fɔ kó ɔɔn, o a kɛ ɔɔn ne, ni a lo ngɛ́ fɔ kó ɔn-ɔn, o a kɛ́ ɔn-ɔn ne. Kóman tɔ́ mín núu fálala olu ka, o bɛ́ é sɔtaannan bhyáafo ne le.»

«A ló ŋwɛ́ɛn myɛ́n íkwɔ kó fɔ́ wɛ́ɛ kɛ́ án myɛ́man ólu yɛ́ Musa yɛ́ tɔ́ ŋo lɔ kó: Nvɔn ɲɔ́ɔn lée nvɔn le! Ɲán lée ɲán o yúu saala, ɲín ŋo lée ɲin ŋó yúu saala. Wáa née fɔ́la a yɛ́ ngó mɔɔn mín ngɛ kóyoongɛ a lá, a kɛ́nan a tá ɲɔɔn bhɔ́. Ni mɔɔn lɔ́ kɛ́ í tóoce í bhóobhɛɛ tóo o kɔɔ, í bhóonwaan ndoo o síi a yɛ íkwɔ.

Í bhóobhɛɛkɔɔ ɲán ó, ni o kɛ kɛ sɔ́ɔbu lé kɛ́ í ló yúumukɛ ó lɔ, a bhɔ́ í la kɛ a lafii. Í bɔɔn ó í fásimanlaa ó ywáa kéembe lɔ, o a físaa í mán í ywáa bɛ́ lafii ó lé yaananman o lɔ. Ni í bhóobhɛɛ ó lée í lónan yúumukɛ ó lɔ, a tɛɛ í lá kɛ a lafii: Í bɔɔn ó í fásimanlaa ó ywáa kéembe lɔ, o a físaa í mán í ywáa bɛ́ lafii ó lé yaananman o lɔ.»