آيات مشهورة من الكتاب المقدس منmatta 7

شارك

«ḍalbat rbbi rad‑awn‑ifk, sigglat dars ra‑tafm, ssḍuqqrat‑n srs rad‑awn‑irẓm.

ašku kullu wanna‑t‑iḍalbn rad‑as‑ifk, d‑wanna dars isiggiln ra‑dars‑yaf, d‑wanna‑n‑issḍuqqurn rad‑as‑irẓm.

«kullu wanna isfldn i‑iwaliwn‑ad‑inu ar‑srsn‑iskar, irwas argaz iṭṭafn lɛaql, ibna tigmmi‑ns f‑isli.

skarat d‑kullu mddn ġmknna tram a‑t‑didun‑skarn. awal‑ad a‑issmunn kullu ma‑ityaran ġ‑ššrɛ ula lanbiya.

walaynni inukma imi lli‑itawin s‑tudrt, išqu‑uġaras‑ns, idrus ma‑t‑itafan.

«kšmat ġ‑imi inukman. han yusɛa imi yaḍni lli‑itawin s‑lhalak, irh̬u‑uġaras‑ns, iggut ma‑gis‑ikššmn.

ẓrat kunni, wah̬h̬a da‑tskarm ma‑yʷh̬šnn tissanm a‑tfkm timih̬ar fulkinin i‑tarwa‑nnun. uggʷar n‑mayan a‑ra‑yakka babatun n‑ignna ma‑ifulkin i‑willi‑ti‑tḍalabnin.

«a‑ur‑tinim f‑yan is‑yʷh̬šn, a‑ur‑fllawn‑yini rbbi is‑tʷh̬šnm. ašku ġaylli ttinim f‑wiyyaḍ a‑ra‑fllawn‑ityawnna, ula lɛbrt lli‑s‑a‑ttɛbbarm i‑wiyyaḍ a‑s‑rad‑awn‑ityawɛbbar.

imma kullu wanna isfldn i‑iwaliwn‑ad‑inu ur‑a‑srsn‑iskar, irwas argaz inufln, ibna tigmmi‑ns f‑umlal.

mah̬ a‑n‑ttmnadt arftus imẓẓin lli‑n‑illan ġ‑tiṭ n‑gʷmak, ur‑tt‑akkʷ‑tiwit ġ‑tggjdit lli‑illan ġ‑tiṭ‑nnk? mamnk a‑trit a‑tinit i‑gʷmak ‹adj‑iyi ad‑ak‑d‑ssittiġ arftus‑an a‑k‑illan ġ‑tiṭ,› imma kiyi tlla‑yak‑tggjdit ġ‑tiṭ?

«rarat lɛaql ašku rad‑d‑darun‑aškin kra n‑mddn ar‑ttinin is‑gan lanbiya walaynni ar‑sskirkisn. uššann ad‑gan, lsn‑d srun timlsit n‑uwlli baš a‑kʷn‑ġwin. imma ntni zġ‑lġllt‑nsn a‑zġ‑ra‑tn‑ttissanm, ašku ur‑a‑yakka‑uzggʷar aḍil, ula‑da‑takka‑tskra ikuzarn.

tasġart ifulkin ar‑tskar lġllt ifulkin. tasġart yʷh̬šnn ar‑tskar lġllt yʷh̬šnn.

ur‑tẓḍar‑tsġart ifulkin a‑tfk lġllt yʷh̬šnn, ula tẓḍar‑tsġart yʷh̬šnn a‑tfk lġllt ifulkin.

walaynni kraygatt tasġart nna‑ur‑yakkan lġllt ifulkin, ra‑stt‑ibbi‑ufllaḥ iluḥ‑tt‑in ġ‑lɛafit.