آيات مشهورة من الكتاب المقدس منMAWOOKIONYI 6

شارك

Mndumii kailacha mahiyo, kawado nyi fowa mrimenyi kipfa kya mndu o wandu alemwuumba iya wuyana.

Mndumii kawona wunyamaṟi wo wandu nyi wung'anyi mnu wuyanenyi na orio kindo mndu aikusaṟa mrimenyi foke nyi kiwicho mkonu yose.

Kyaindi Noe kawona osaṟio ko Mndumii-Ruwa.

Iki nyi kishari kya Noe. Noe nawei mndu o wusumhanyi, mhendeli ipfo kisharinyi kyake; Noe kawa mhendeli kachumia ai na Ruwa.

Mndumii kahamba, “Wandu-wa ndewumba njechiwarumatsa iya orukenyi, mndu o wandu na mando ha nja na hekekukuruo wanda na malehe ha ruwehu; kipfa ngailacha mahiyo kya ili njilehawumba.”

Nahong'u lilya wandu walewooka ipfumbuka iya orukenyi na wana wa kika walefeo kiidi kyawo; wana wa Ruwa walewona wanawo wa kika wa wandu ke nyi wawecha; wakakudaya waka, chandu wakukundia isambuṟa. Mndumii kahamba; Mumuyo foko fochiwinganase na mndu o wandu manta-pfo; cha kipfa nyi ai nyama; ko ikyo maaka yake yechiwa nyi maaka ihana na makumi hawi (120). Na Manefili nyi kunu wuyana wawei kiheri-kyo; lyefurumia wana wa Ruwa wakakusanza na wana wa kika wa wandu, wakafee nawo shiwana; iwa kacha nyiwo wawei ngohoda wandu wawode kiṟumi.

Nyi wudo Noe aleṟunda, isho shose chando Ruwa alemtutuma, isho nyisho aleshiṟunda.

Mndumii kawia Noe, “Mtsitsionyi fo orio msa awode mbihu fui oshangunyi loko, kipfa waichuṟa wunesi kunu wuyana; njechiwarumatsa handu hamu na wuyanawu.

Kehenda ikusungusiang'u safina ya mashiidi ha mvinje. Uidumbwo dumbwo shiṟiha ipfo kya mba. Uiṟinde na kimia ipfo kya mba na kya nja.

Ruwa kaambuya wuyana, ate wunyamaṟikie kipfa orio mndu nyi akufurunjia kyama kyake iya wuyanenyi.

Na orio kindo kiwode mbihu kii na moo kyose, wawi wawi wa orio mbaṟi nochiwaitsa na ipfo safinenyi, nowaiṟiche handu hamu na iyo; orio lya kisoṟo na lya kika.