آيات مشهورة من الكتاب المقدس منتوریت شریف: پَیدایش 6

شارك

او پَچھتایا کہ میں اِنسان کی بݨائی کے دُنیا وِچ رخی شوڑیا، تے اُس کی بہُوں دُکھ ہویا.

رب تکیا کہ دُنیا وِچ انساناں نے غُناہ بہُوں ہوئی گئے اݨ، تے اُنہاں نیاں سوچاں تے خیال لگاتار صِرف پہیڑے ہی اݨ.

پَر رب حضرت نُوح پر خُوش سی۔

حضرت نُوح نا قصہ اے اَے۔ حضرت نُوح اِک چنگے تے راستباز بندے سݨ، تے اپݨے زماݨے نیاں لوکاں وِچ صِرف او ہی اِک نیک بندے سݨ۔ او قُربِ اِلٰہی وِچ رہݨے سݨ۔

اُس آخیا، ”جہیڑے میں اِنسان بݨائے سݨ میں اُنہاں ساریاں کی، زِیمی پر رینگݨے آلے تے ٹُرنے آلے جانوراں تے پرندیاں سمیت، ختم کری شوڑساں. میں پَچھتاݨا آں کہ میں اُنہاں کی بݨایا سی.“

جدوں دُنیا اپر لوک بہُوں ہوݨے گئے تے اُنہاں نیاں تیہاں جمیاں، اللّٰہ تعالیٰ نے نیک بندیاں اُنہاں کُڑیاں کی تکیا جیہڑیاں بہُوں سوہݨیاں سݨ۔ تاں اُنہاں اِنہاں کڑیاں وِچوں چُݨی کے بیاہ کیتا۔ فِر رب آخیا، ”مہاڑی رُوح ہمیشہ واسطے اِنسان وِچ نی رہݨ لغی، کِیئانکہ او صِرف فانی مخلوق اے. ہُݨ تُوں بعد او 120 سالاں تُوں زیادہ جِیݨے نی رہݨ لغے.“ اُنہاں دیہاڑیاں وِچ، تے بعد وِچ وی، جدُوں اللّٰہ تعالیٰ نے نیک بندے اُنہاں کُڑیاں کول گئے تے اُنہاں کولوں تیہاں تے پتر جمے، دُنیا وِچ دیو موجود سݨ. اے پُراݨے زمانے نے مشہور جنگجُو سݨ.

جس طرح اللّٰہ تعالیٰ آخیا، سب کُج حضرت نُوح اُسے طرح ہی کِیتا۔

اِس واسطے اللّٰہ تعالیٰ حضرت نُوح کی آخیا، ”میں ساریاں لوکاں کی ختم کرنے نا فیصلہ کیتا، کِیئانکہ پُوری دنیا ظلم و تشدد نال پہرݨ گئی اے۔ میں اُنہاں کی زِیمی سمیت بِلکل تباہ کری شوڑساں.

پر تُوں آپے واسطے سرُو نی لکڑی نی اِک بڑی کشتی بݨا، تے اُس وِچ کوٹھریاں تیار کری کے اُس نے اندر تے باہر تارکول لائی شوڑ۔

جِتھے وی اللّٰہ تعالیٰ تکݨا سی، دُنیا نے سارے لوک خراب سݨ، کِیئانکہ اُنہاں ساریاں اپݨے طور طریقے بِگاڑے وے سݨ.

فِر تُوں جانوراں نی ہر قسم نا اِک اِک جوڑا اپݨے نال کشتی وِچ رخیاں، تاکہ او تہاڑے نال جِیݨے رہݨ۔