آيات مشهورة من الكتاب المقدس منBo Bolɛ 9

شارك

Nda sɔ'n bɔ n ta amun nin nnɛn nga be nin amun wo'n, ɔ nin amun osu'n nunfuɛ nga be ´ba kasiɛn'n, i nzɔliɛ yɛlɛ min nyanngondin bɔ n fa sie i nyanmiɛn ble'n nun'n. Ɔ ti e nin asiɛ'n sufuɛ mun e aenguɛ nga e trali'n i nzɔliɛ.

Kɛ n nian nyanngondin b'ɔ o nyanmiɛn ble'n nun'n, mín nyin ´kpɛn nda nga n tali sran nin nnɛn'm be kwlaa bɔ be o asiɛ'n su i su. Nda sɔ'n, ɔ lɛ-man awieliɛ.»

Sran ng'ɔ guɛ i wiengu mmoja ase'n, sran uflɛ ´guɛ i mmoja liɛ'n i ase yɛlɛ kɛ Nyanmiɛn yili sran kɛ i bɔbɔ sa.

Nyanmiɛn boli muae klanman mannin Noe nin i mma mun. Ɔ seli be kɛ: «An `trɛ, an `yi asiɛ wunmuan'n.

An `di be kwlaa. N fa mannin amun kɛ n dun mmua n fali nnya-nnya mun m mannin amun'n sa.

Man asiɛ'n su nnɛn'm be kwlakwla nin anunman mun, ɔ nin jue'm be kwlaa be sro amun. M'an fa be m'an wla amún sa nun.

Amun liɛ an `wu ba kpanngban, an `trɛ, an `yi asiɛ'n i lika'n kwlaa.»