آيات مشهورة من الكتاب المقدس منBo Bolɛ 17

شارك

Kɛ Abram dili afuɛ ablangwlan-nin-ngwlan'n, Anannganman fiteli i nyrun nan ɔ'a se i kɛ: «Nyanmiɛn b'ɔ kwla like kwlaa yo'n yɛlɛ min. Bo manndrɛn su min titi. Nán fiɛn kaan sa tran ɔ wun.

Be su flɛ-man wɔ Abram kun, siɛn'n ɔ dunman yɛlɛ Abraam yɛlɛ kɛ a ´yo nvle-nvle kpanngban be nannan.

Aenguɛ nga e nin wɔ e ´trɛ i yɛ'n, ɔ osu'n kwlakwla o nun. Aenguɛ sɔ'n ɔ lɛ-man awieliɛ. N ´yo a nin ɔ osu'n amun Nyanmiɛn .

«Aenguɛ nga e nin wɔ e ´tra'n, a wa yo nvle-nvle kpanngban be nannan.

Yɛ Nyanmiɛn waan: «N se kɛ ɔ́ yi Sara ɔ wa wu ba yasua kun. Sɛ ɔ wu i'n, tɔn i dunman kɛ Izaak. E nin i nin i anunman mun yɛ e ´tra aenguɛ b'ɔ lɛ-man awieliɛ nin-ɔn.

N ´fa mɛn nga a ti nun aofuɛ yɛ'n m ´man wɔ nin ɔ osu'n. N ´fa Kanaan mɛn wunmuan'n m ´man be. Ɔ ti be liɛ titi, yɛ kusu n ´yo be Nyanmiɛn .»

Abraam bubu guali asiɛ wun gblo, ɔ utuli i nyin ase, yɛ ɔ srili-ɔ. Ɔ seli i klun lɔ kɛ: «?Sran yasua kun di afuɛ ya kwlaa'n, ɔ kwla wu ba ekun? ?Yɛ Sara kusu bɔ ɔ'a di afuɛ ablangwlan'n, ɔ kwla wu ba ekun?»

I sin ɔ seli i ekun kɛ: «Nán flɛ ɔ́ yi kɛ Sarai kun. Ɔ fin ndɛ i dunman'n yɛlɛ Sara.

Klɛn wlalɛ sɔ'n ti aenguɛ nga e nin amun e ´tra'n i nzɔliɛ.

Sanngɛ sran nga e nin i e tra aenguɛ'n yɛlɛ Izaak, Sara i wa nga afuɛ ng'ɔ ´ba lɔ bikisa'n, wuun ɔ'a wu i ɔ'a man wɔ'n.»

Amun osu-osu'n kwlaa nun ba yasua kwlaa ng'ɔ ko di le mɔcuɛ'n man be wlɛ i klɛn. Sɛ ɔ ti awlo ba o, sɛ sran wie yɛ a toli i b'ɔ ti-man wɔ akpasua sufuɛ o, be `wlɛ i klɛn. Kanga nga be wuli i wɔ awlo'n nun annzɛ kusu nga a toli i'n, wla be klɛn nan min aenguɛ b'ɔ lɛ-man awieliɛ'n i nzɔliɛ'n ɔ `ka amun wun.