آيات مشهورة من الكتاب المقدس منSan Lucas 6

شارك

Legde kika bene yebalake, te Diozo gone kie'alhe. Te gone lo bolso kie'alhe to tanabixi chhia'a, tanagui, rhazirlalhaj kan nadzagazi. Kon kateka rdelhe kika bene yebalake Diozo yeyone kie'alhe.»

Bene wen rne' tachhia'a le'a tachhia'a rhe' lo laxhdawe, te bene malha rne' tamalha le'a tamalha rhe' lo laxhdawe. Le'a tan rhe' lo laxhdawe rne'a rhoe'.

Lén rhala ye'akielhe bene birhajxenkene lén, kan gonle wen, kan gsanle sinka koezalhe bi yonake kie'alhe. Kan gaka xhen tan rdolale, te lén gakalhe xhi'in Diozo chhie'e yeba', le'aksikan nake bene wen le'anka bene birdeke xhle'anhe kan bene malha.

Legaka lén golalachhi, kateka Xosle nake golalachhi.

»Labigagolhe xhkia' ka bene, te Diozo bigawe xhkia' lén. Bisne'alhe bene na'alha napake dola', te Diozo bisne napalhe dola' lén. Lesixhen, te Diozo yezixhenhe kie'alhe.

»Lén ga' rhenhele kia' rhapa lén: Leye'akie bene birhajxenkene lén, legon wen kika bene rle'ekene zi' lén, lesnaba tachhia'a kika bene rne'adza'ake kie'alhe, legledza Diozo kika bene rhe'a zi'ike lén.

Legon lén kika bene ka' rhe'anhelhe gonke kie'alhe.

Chen no' rhoe' tzala'a xagalho, le'aksikan bde'e tan yetzala'a; te chen no' rguie'ala tan rhotze' loe', bdelataj yoake le'aksikan le'an xhalho. Notite'azi bene chen bi rnabe kio', bde', te chen no' kie'ala ta naka kio', bibi ye'alhonhe.

»Bidia to yaga wen tagona tazixi malha, nika dia yaga malha tagona tazixi wen.

Toto' yaga rhonbe'ake tazixi rchhia. Labi rlapake higo lo yechi', nika rhesoke bedzolhi lo yechi' be'asiga'.