آيات مشهورة من الكتاب المقدس منMatiye 5

شارك

Gimu zegaa ɗa lampa maa ga zobokkati daakuwayyi, innasoopa ga zegaa maa ga gagiyya uwwa jeɗeŋ ku maa ga dawwayɗiyo oko giimi paracco ma aaye giiri. Ay goŋŋa appe gi deyyantoŋ deeɗo dawwiyenta unco giimo ku maa gu elliɗiy gaartoŋ ku samaane maa ku leewa guu logiyya Tattoŋ ma aaye samaani.»

«Kuŋ ay deyyane ta dunuuniti. Geegar ka geewenta kayaatí jappiti gederra ɗa ga deeɗo kiilenta.

Baarikenta ay giimi maa gu galbigeeco purta, asan gu akkiya ella Mella.

Baarikenta ay giimi ma aŋka gu nuntiɗo nunto tee ta ɗayaŋ unti Mellayi, aleŋ giimi ku mayyeeta ma aŋka tiyaw o aleŋ ku ibinta ma aŋka aar̰o ammi asan ga Mella akkiyooca oyya nunto taata maa gu deyekke.

A naa pa beneyyatoŋ, naa ku ƴekkoŋgu giimi ma aŋkitoŋ ɗa o ku enewwaniyo Mella oko giimi ma deegeyyitoŋ.

«Baarikenta ay giimi ma ibina kadar gu arakke ɗa maatiki unti Mellayi, asan ga Mella oyay gu un̰n̰iɗo mulunniti.

Baarikenta ay giimi ma lobokka ku maa gu giimi paracco nuntiɗo daana ka asan ga Mella akkiy kolla gaa gu rontee.

Baarikenta ay giimi ma erecca, asan ga Mella akkiy daddiba.

Baarikenta ay giimi maa gu deegeyyiy asan gu leewa gaari ma ɗayaŋ unti Mellayi. Mella oyay gu un̰n̰iɗo mulunniti.

Baarikenta ay giimi ma kawayyayo oko gicco, asan ga Mella akkiyoo kawiya kulla oko guta.

Ku baarikenta guu giimi n̰elekkatoŋ o gu deegeyyatoŋ o gu bowokkatoŋ asan ku ay jobookeetaw. Kaaka pa ku parhinoŋ ta tirta o gu galbigeetoŋ oolu, asan ga Mella akkitoŋ bira haggane ta samaane ta tirta teete gonek samaani. Ay goŋŋa appe gu nabiinigee kulla ma ase omma min oko kuŋ gu diigiyɗiy.»

Baarikenta ay giimi ku detta, asan gu akkica gassa kiɗa maa ga Mella beneyye gaa ga beraaca.

Gaa Iisa beneyɗiyo missa gaa: «Ay kuŋ ma ay deeme ka dunuuniti. A gaa belbeluwti deemi oole ku leewa pe kuu me ga deeɗo payya belbel? Gata gayee ɗa payya maatiki, illa gu soƴaa maaƴi renta, guu giimi waariyyee.

Deyyoŋ ɗayaŋ aleŋ Tattoŋ ka samaani ma ɗayaŋ ta kaw.»

Kuu oyaa ɗe ku oyyoŋ, kuu pocaa pa ku poocoŋ, maa ku gayaa kaaka pa, asaa min Seetanni, gata ma ay miltí miɗɗati.»

Gaa Iisa gaayiɗe payya gaa: «Ku giyye kadar gu beneyye goo: “Kuu aŋka eeso, ku eesoŋ iɗe ma iɗe o saanu ma saanu.” A naa pa beneyyatoŋ, naa ku aɗoŋ eesa ɗa oko giimi ma laatoŋ miɗɗa. Gaa gimu ɗaacum gaamcum ta tiyaawa, ki ribileeca kulla gatti ta n̰ugila ga ɗaaciɗum.

A gii iɗiicum ta tiyaawa esekkam zunubgeyyo, ki cimmica ki uwwicca maaƴi arro, asan gi samaane ƴiila ki misilɗo latta kaƴi min ziicum, min maa ga ziicum paratti gu uwwiyya okko ma batakka ɗa ta kaw. A gaa piccum ka tiyaawa esekkam zunubgeyyo, ki reepiya ki uwwiyya arro minnancum asan gi samaane ƴiila ki misilɗo latta kaƴi min ziicum min maa ki kaatiɗo paraccum oko okko ma batakka ɗa ta kaw.»