آيات مشهورة من الكتاب المقدس منSan Marcos 16

شارك

Ra ka̱chi‑Ña̱ saá xíꞌin‑na̱: ―Kuáꞌan‑ntó iin níi saá ña̱ yúví, ta ntakani‑ntó tu̱ꞌun va̱ꞌa Ntióxi̱ nu̱ú ntikuíi na̱ yuví.

Ta ña̱ yóꞌo kúú ña̱ kuvi kasa na̱ kántíxa yu̱ꞌu̱: xíꞌin nteé‑i̱ tavá‑na̱ ta̱chí u̱ꞌvi̱ ini na̱ yuví; ra ka̱ꞌa̱n‑na̱ iinka tu̱ꞌun; ra tiin‑na̱ ko̱ó kue̱ꞌe̱ xíꞌin ntaꞌá‑na̱, ra nii ná koꞌo‑na̱ ña̱ꞌa ña̱ xáꞌní ñaꞌá, köo‑ña̱ ntoꞌo‑na̱ xíꞌin‑ña̱; ta saá tu chinúú‑na̱ ntaꞌá‑na̱ xi̱ní na̱ kúꞌvi̱, ra ntuva̱ꞌa‑na̱.

Na̱ ná kantíxa, ra kuntiutiá‑na̱, na̱ ikán kuu na̱ ka̱ku; suu na̱ ná käntíxa, na̱ ikán kuu na̱ ntoꞌo ini xa̱ꞌá kua̱chi‑na̱.

Ra na̱ ntíku̱n‑Ña̱ ka̱na‑na̱ kua̱ꞌa̱n‑na̱ ntakani‑na̱ tu̱ꞌun va̱ꞌa iin níi xiyo. Ta chi̱nteé míí Xitoꞌo‑yó‑na̱, ra xa̱ꞌá ña̱ xítúꞌun kíxa‑na̱ xíꞌin nteé mií‑Ña̱ sána̱ꞌa̱‑Ña̱ ña̱ nta̱a̱ kúú ña̱ ntákani‑na̱.]

Suu míí ra̱ tia̱a ikán ka̱chi‑ra̱ saá: ―Küyǔꞌvi‑ntó; xíni̱‑yu̱ ña̱ ntúkún‑ntó Jesús, Ña̱ ñuu Nazaret, Ña̱ xi̱takaa ntaꞌá krûsi̱. Xa̱ nta̱tiaku‑Ña̱; köo ka‑Ña̱ íyo yóꞌo. Kutoꞌni‑ntó nu̱ú nta̱koo‑na̱‑Ña̱.

Suu tá ni̱xa̱a̱‑ná, xi̱ni‑ná ña̱ xa̱ xi̱kutiaꞌa míí yu̱ú ña̱ ntási yuꞌú kavá ikán, ra yu̱ú káꞌnu nti̱va̱ꞌa kúú‑ña̱. Tá ni̱ki̱ꞌvi‑ná ini kavá xi̱ni‑ná iin ra̱ tia̱a îtiá íntúꞌú koo‑ra̱ xiyo kuáꞌa, ta ntíxi‑ra̱ iin saꞌmá yaa níi; ta ni̱yǔꞌvi‑ná.