آيات مشهورة من الكتاب المقدس منSan Marcos 13

شارك

Ta ntikuíi‑na̱ kuntasí ntóꞌo̱ xa̱ꞌá ña̱ ntíku̱n‑ntó mií‑i̱; suu ntáa na̱ ná kuchiñu xa̱a̱ nta̱a̱ nu̱ú ntíꞌi, na̱ ikán kúú na̱ ka̱ku.

’Nani saá, ¡Ntútaꞌan‑ntó kuntito‑ntó, ra kuntiaa‑ntó [xíꞌin ka̱ꞌa̱n‑ntó xíꞌin Ntióxi̱]! chi xïni̱‑ntó ntáa óra kixi‑Ña̱.

Ta tá ná ku̱ꞌu̱n‑ntó xíꞌin‑na̱ nu̱ú na̱ kíxa ntúví kua̱chi, künti̱ꞌi ini‑ntó xa̱ꞌá tu̱ꞌun ka̱ꞌa̱n‑ntó, chi míí saá ka̱ꞌa̱n kuití‑ntó tu̱ꞌun taxi Ntióxi̱ ka̱ꞌa̱n‑ntó; chi süvi mií‑ntó ka̱ꞌa̱n, chi Espíri̱tu̱ I̱í Ntióxi̱ ka̱ꞌa̱n nu̱ú‑ntó.

Ta ntiví xíꞌin ñuꞌú ntiꞌi xa̱ꞌá‑ña̱, suu tu̱ꞌun mií‑i̱ ntïꞌi xa̱ꞌá‑ña̱.

’Suu míí ki̱í xíꞌin óra, nii iin míí túꞌun‑na̱ xïni̱, nii na̱ ángel ntiví, nii Se̱ꞌe Ntióxi̱, iin nta̱a̱ míí túꞌun Táta‑yó Ntióxi̱ xíni̱.

’Tá ná kuni so̱ꞌo‑ntó ka̱ꞌa̱n‑na̱ xa̱ꞌá ña̱ káni táꞌan na̱ yuví, ra ná kunta̱a̱ ini‑ntó ña̱ káni táꞌan na̱ iinka ñuu, ra küyǔꞌvi‑ntó chi ntúxá ya̱ꞌa ntikuíi ña̱ yóꞌo; suu täꞌan ka ni̱ꞌi ntiꞌi xa̱ꞌá ña̱ yúví.

¡Kuntito‑ntó! Chi xïni̱‑ntó ntáa ki̱í ntikó xitoꞌo veꞌe‑ra̱, á tá kúñǔu, á tá sava ñǔu, á xi̱tia̱a̱n tá kána chéle, á naꞌa; ta iin ntíta ná kixa̱a̱‑ra̱, ná ntäni̱ꞌí‑ra̱ ntóꞌo̱ kíxi̱‑ntó. Ña̱ káchi‑i̱ xíꞌin‑ntó, ña̱ ikán kúú ña̱ káchi‑i̱ xíꞌin ntikuíi‑na̱: ¡Kuntito‑ntó!

Chi kani táꞌan na̱ ñuu náꞌnu xíꞌin iinka na̱ ñuu náꞌnu, ra kani táꞌan na̱ xáꞌntia chiñu nu̱ú iin ñuu xíꞌin na̱ xáꞌntia chiñu nu̱ú iinka ñuu; ra kua̱ꞌá nu̱ú ta̱an, ta koo sǒko. Suu ña̱ yóꞌo sa̱kán ña̱ kíxáá va kúú‑ña̱ ña̱ ntoꞌo ini‑ntó.

Ta xíniñúꞌu ña̱ xina ka ntakani‑ntó tu̱ꞌun va̱ꞌa Ntióxi̱ iin níi saá ña̱ yúví.

chi kua̱ꞌá‑na̱ kixi kachi‑na̱ ña̱ kúú‑na̱ mií‑i̱, kachi‑na̱ saá: “Yu̱ꞌu̱ kúú Cristo, Ña̱ ta̱chíñu Ntióxi̱ va̱xi sáka̱ku na̱ yuví”; ra kua̱ꞌá na̱ yuví sántáꞌvi‑na̱.

’Suu, ntóꞌo̱, kuntiaa‑ntó mií‑ntó; saá chi xa̱ꞌá mií‑i̱ tiin na̱ yuví ntóꞌo̱, ta ku̱ꞌu̱n‑ntó xíꞌin‑na̱ nu̱ú na̱ kíxa ntúví kua̱chi ñuu mií‑ntó, ra kani‑na̱ ntóꞌo̱ ini veꞌe ñu̱ꞌu, ta ku̱ꞌu̱n ntúxá‑ntó xíꞌin‑na̱ nu̱ú na̱ réy xíꞌin na̱ xáꞌntia chiñu iinka ñuu, ta ntakani‑ntó xa̱ꞌá mií‑i̱ nu̱ú‑na̱.

Chi kixi kua̱ꞌá na̱ sántáꞌvi ntóꞌo̱ kachi‑na̱ ña̱ kúú‑na̱ Cristo, ta saá tu na̱ vatiá na̱ kachi sáya̱ꞌa tu̱ꞌun káꞌa̱n Ntióxi̱; ta kasa‑na̱ kua̱ꞌá ña̱ xítúꞌun, ña̱ ná kuni na̱ yuví, ra sántáꞌvi‑na̱‑na̱. Ná kuvi, ra nta̱a̱ na̱ nta̱ka̱xin Ntióxi̱ ví sántáꞌvi‑na̱.

’Suu tá nti̱ꞌi ni̱ya̱ꞌa tá kúú ntiꞌi ki̱í nto̱ꞌo ini‑ntó, kunaá ni̱ka̱ntií, ntäye̱ꞌe̱ ka yo̱ó, ko̱yo tiu̱ún ntiví, ta ta̱an ntiví, ra kanta̱ ntiꞌi ña̱ꞌa ña̱ íyo ikán.