آيات مشهورة من الكتاب المقدس منMATIUS 6

شارك

Inau pul᷊iagha ko horo, tadeau Mawu Ruata mamarenta su puwawiahu dang pukoa ko apang kao-E. Kuteu kaul᷊ie e'e sarung i onggou Mawu Ruata l᷊ai si kumu.

Ual᷊ingu e'e kumbahang ghumaghangu l᷊ou dol᷊ou. Watu u dol᷊ou pia kaghaghaghange sisane. Susangu silou i'i seng kapapiange, tawahal᷊uasi mborong sau tambang.”

Ual᷊ingu e'e tinaungete: Kumbahang ghumaghangu puwawiahu, ko apa sarung kanengang dingang u inungang, arako apa ko sarung l᷊ohokangi kumu. Wughangu puwawiahi nae ko nangilebe bou idopi, dang badang nae ko nangilebe bou pakeang?

Arawe boko i kumu mukal᷊iomaneng, tamaite sarang kamari, humping tukari, mbuhue pukal᷊iomaneng si Yamang ko taikawua e'e. Kute i Yamangu ko makawua kakanoau ko taikawua sarung mamal᷊isi si kau.

Inau pukal᷊iomaneng te kiri i: ‘I Yamangi kami su sorga: I Kau Mawu mang simbau. Mal᷊umbako i Kau isumba l᷊au i adateng I Kau Ratungi kami. Mal᷊umbako i Kau mamarenta su dunia dingang kao-U ituhukang kere su sorga.

Onggoko su silou i'i l᷊aidopi ko kanengang i kami.

Ampunge ko i kami bou pusansal᷊angi kami, kere i kami seng nangonggo ampunge su taumata ko nunsal᷊a si kami.

Kumbahang mamalangi kami kailangeng u pangangimang su tempo ngi kami i setangteng kateho l᷊iu ko i kami bou kawasa ko dal᷊ai. [I Kau Ratu makawasa, mawantughi sarang kal᷊iwuenge. Aming]’

Boko i kumu munggile ampunge su taumata ko nunsal᷊a si kumu, I Yamangu su sorga mang l᷊ai sarung munggile ampunge su pusansal᷊angi kumu.

Tuhungete burung su kinuang. I sire tamusuang, ta manipo, dang l᷊ai tamangomol᷊i sukengu sasuange su wal᷊e. Maneng kere e i Yamangu su sorga mang mupal᷊ihara si sire! Wughangi kumu ko nangilebe mahariga bou manga burung su kinoang?

“Kumbahang mangomol᷊i kakakala guna ngu watangeng su dunia su tampa ko pia uanenge dingang u tai ngu uase ko makarusa dang tahatako sumongo manako. Sul᷊ikuru e'e, pangomol᷊e kakakala su sorga, su tampa ko apang uanenge dingang u tai ngu uase tamakarusa, dingang u tahatako ta sumongo manako. Watu'u suapa pia kakakalau, su se'e l᷊ai naungu!”

“Takoae singkatau ko makapuhal᷊i boko mawunge duang katau. Watu u i sie sarung mapal᷊iu kumindaghi u simbau bou kowal᷊inge. Arako i sie sarung mapal᷊iu mapia su mawunge simbau bou kowal᷊inge. Kere e l᷊ai i kumu. I kumu tamariadi mutahamawu Mawu Ruata dingang u mutahamawu ngu l᷊ai kakakala.

Ruku sungudae tumuwo silou i'i, ndai mal᷊ou nasue tutunge. Arawe Mawu Ruata kere'e kapiange nutal᷊ung manga ruku e'e. Nangilebe we si kumu. Arawe i kumu mang ta mangimang!

Arawe i kumu, boko i kumu munggile l᷊aonggo, onggoe pakarumasi, tadeau takoae ko makatitong. Balate ko nikoa u e'e maneng tanikatitonangi sai-sai, su l᷊ikuri Yamangu su sorga. I Sie makawua kakanoau ko tai kawua e'e dang sarung mamal᷊isi si kau.”

“Tinaungete, kumbahang i kumu mukoa tatuhu su agama su tingo ngu hape tadeau i kawuangu taumata. Boko i kumu mukoa kere'e i kumu sarung tamanarima wawal᷊ise boi Yamangu su sorga.

“Boko i kumu mupuasa, kumbahang pahesu musahingkudung kere lulungu taumata ko makitika. I sire mamal᷊u pahesi sire tadeau i katitonangu taumata i sire kapupuasange. Tinaungete, e'e wawal᷊ise seng nitarima i sire. Arawe boko i kumu mupuasa, panguhauko dang saheko utau, tadeau takoae ko matitong i kumu kapupuasange, kitang Yamangu ko tai kawua e'e. I sie makawua kakanoau ko tai kawua e'e sarung mamal᷊isi si kau.”