آيات مشهورة من الكتاب المقدس منMATIUS 16

شارك

Kak raduni Isa cawa jama jelma-jelma sai nutuk Ia, “Jelma sai haga nutuk Nyak, haga ngelupako kepentinganni tenggalan, memikul salibni, rik terus nutuk Nyak.

Ulihni seno pandai mak, nikudo Petrus, batu sai kuat. Rik di atas alas batu injido Nyak haga ngebangun gereja-Ku, sai mak dapok dikalahko; sekalipun ulih maut!

Nyak haga ngeniko jama niku kunci jak Dunia Ampai Allah. Api sai niku larang di atas bumi, juga dilarang di surga. Rik api sai niku benorko di atas bumi, juga dibenorko di surga.”

Mani jelma sai haga mempertahanko hurikni, haga kelebonan hurikni. Kidang jelma sai ngurbanko hurikni untuk Nyak, haga ngedapokkoni.

Api untungni bagi sai jelma, kik sunyinni dunia inji jadi kedauni kidang ia kelebonan hurikni? Dapok mak hurik udi ditukor jama sai hal?

“Kidang menurut keti tenggalan, Nyak inji sapa?” tanya Isa jama tian. Simon Petrus ngejawab, “Bapakdo Raja Penyelamat, Anak Allah Sai Hurik.”

“Beruntung nihan niku, Simon anak Yona!” ani Isa. “Mani lain hak manusia sai ngeni pandai hal ano jama niku, melainko Bapa-Ku sai di surga.