آيات مشهورة من الكتاب المقدس منMATIUS 2

شارك

Sangga nesuapa ira rara njapo etu nikita iramo Ngana nggedi etu ante indona i Maria. Pade notimbakotumo ira nombasomba I'a. Naopu etu nibuka iramo peti pomboli mbara-mbara ira, pade nipesomba ira ka I'a pewai-pewai ira, etumo bulawa, bo rongele wongi to nasuli mpu'u olina to niuli kemenyan bo mur.

Yesus niote ri ngata Betlehem ri Bagia Yudea tempo Magau Herodes noparenta. Naopu etu naratamo tau-tau topande nanggita betu'e nggari sabingga kamataeona mpaka ri ngata Yerusalem, pade nekutanamo ira, “Ri umbamo ngana to niote etu to majadi Magau nto Yahudi? Kami nanggita betu'e to nompakanoto pesuwuna nebulu ri pebuluna pade naratamo kami mombasomba I'a.”

Tempo ira nanggita betu'e etu nadamba mpu'umo rara ira.

Naopu etu Alatala nompopanjani ka ira riara mpangipi ala ne'e manjili mpaka ri ja'i Magau Herodes. Jadi nanjilimo ira nantuki jala ntanina. Sangga nanggaliwopa tau-tau topande nanggita betu'e etu naratamo samba'a malaeka i Pue nompopokita korona ka Yusuf riara mpangipina pade nanguli, “Pembangumo, kenimo masalisa Ngana etu ante indona mpaka ri tana Masir. Peto'omo ri setu sampe aku marata motesa wo'u ka iko. Sabana Magau Herodes nopatuju mangelo mompatesi Ngana etu.”