آيات مشهورة من الكتاب المقدس منShiyanso 9

شارك

Khanji uNguluvi wáaja, “Niviikha ilipingangʼombe lya noonya yangu ku wulanga, ilyo lilyene liwonensa ulufingo lwangu ni nyi yoona. Isho shisheene shimanyilo sha lufingo lwangu lwa nsiku soona, luna nifinga kunyeenyu ni fiinu ifyumi fina munafyo ni fisafi fyenyu fyona.

Ilipingangʼombe lya noonya ilyo, pina likiyiwonensa mu mafunde nikhalyaga. Kwa kiiva ya ilyo nikhakumbukha ulufingo lwa shiluta luna one Nguluvi nafingaga ku fiwumbwa fyona.”

Namuwumbaga umuunu kwa shihwano shangu, ndeeno umuunu yuna akhamubuda umuunu, woope akhabudwa nu muunu.

Apo, uNguluvi wámuyimiilila uNuhu na vanaakwe iijova, “Musave, muyooloshe, muyimemye inyi.

Ifiinu fyona ifyumi fisiive fyakiilya fyenyu. Lino nikivapeela ifi fyona ngaja shina navapeelaga ifimelo fyona.

Ifidiimwa fyona, inkhanu isa mu lihakha soona isa mu nyi, inyuni soona, ifiinu fina fitambala ni nswi soona sikhavatiila, one navapeela musiyangalile.

Lino omwe savaji, muyooloshe, muve vinshi muyalaalile nyi yoona.”