آيات مشهورة من الكتاب المقدس منLucas 13

شارك

—Chömöledö, apjude ja'yuwadebenö tekachaduwobö jwaikwöda kwisakwaduwo, jade utumatakwa̧ abönö. Jau chömöledö, ba̧jekwadö tetjachobö tjisakwakobe, jo̧kwaijayonö tetjachoböma jwiakobe, utumatakwa̧ abönö ja'yuwadebenö tetjachokobetjö̧.

Ja̧danö jeluju jobe jö̧jinobe, jo̧'wo̧ luwo̧nö sulabo̧ öjokoma, a̧li̧nösamu jelemutjö wa̧pötakwa o̧biya usula emawujuma. Jo̧'wo̧ luwo̧nö sulabo̧ ö̧joko, bakobenö itukobuju jö̧jinobe, jweinö a̧laibökuju. Jobujunö edö, Jesúsma jobujunö jwöinobe, ö̧jobekwö jichobö, ja̧danö ichibajunö yöa̧linobe: —Jojosuju, kwö'wöchi̧tjö ejatö lotakwö— jö̧ba̧lö.

Ikenama Jesúsma jobujunö mainobe, ja̧danö maenama, juluwanö jweinö a̧laibö, jo̧'wo̧ ösöwachibanö Diosnö jösödinobe, otiwanö pjaatajabe jö̧ba̧lö.

Ja̧danö, biya̧ wene kwomukwataduwo chömöledö: Ju'wedönöma babe mikwawöködö jö̧tja̧lijayonö, ja̧ möle ju'wedötjö bajalekwönönö mikwawadö tjö̧jakobe, ja̧danö babe ju'wedönöma bidöma ju'wedötjö bajalekwönönö mikwawadö jö̧tja̧lijayonö, ja̧ möle mikwawöködö tjö̧jakobe— jö̧ba̧lö yöawinobe Jesúsma.

Eju luwo̧ a̧laibö apjude utumataja̧ ikenama, teachakwawa jwiakobe. Jau chömöledö, ida̧ökö jeju okwa kwö̧jaduwökötjö̧ma, apjude a̧petukwöchobe ja̧nö jwökeba̧laduwena: Duluwo̧, apjude po̧bebi tedachobö, jö̧ba̧lö. Jo̧kwaijayonö okwatjö atadena: Ökwödönö wajwitawö̧ja, detjö ichadöjö, jö̧ba̧lö, ökwödönö atadena, apjude po̧bebö tetatökö ökwödönö, jö̧ba̧lö.

Ju'wedö Jerusalénnö ju̧kwadötjö bajalekwönönö sulabedötjinokobe chömöledö. Dios öba a'otjö jobadöbi, ju'wedö Jerusalénnö ju̧kwadöbi, ökwödöbi bakwaibedöja. Jau chömöledö, Dios öba a'otjö ökwödöbi isabenö sulabenö omukwatadöja, ja̧danö sulabenö kwomukwataduwi̧ kabatibö kwöbalewachaduwökötjö̧ma, ökwödöbi isabenö Dios lȩebi̧tjö kwemaduwakwedöja— jö̧ba̧lö yöawinobe Jesúsma.

Jo̧kwaijayonö jejenö yöka̧laduwijayonö, ökwödönö yöa̧lakobe: Yötawaduwakwö, isabenö wajwitawö̧ja, detjö ichadöjö, jö̧ba̧lö. Tetatökö ökwödönöma. Chö̧jelö da̧ja̧duwi okobe deinö ökwödö sulabenö ja̧badöma, jö̧ba̧lö atadakobe.

Jesúsma tupakwö yöawinobe jojodönö baikwö: —Chömöledö, kwedaduwemi ¿dakwö ichejekwobeda Dios la'aka luwo̧ ö̧jakwa̧ma? ¿Dakwö wanedö yötawakwajö, ichejekwi̧ jawama? Baikwö yötawaduwakwö chömöledö: Mostazasade ja'yuwadedanö ichejekwa chömöledö. Baikwö wanedö yötawa: Bakwo̧ mostazade jwiinö ja'yuwade iteda öbatjonö ödinobe, ja̧danö ja'yuwadejayonö, pokwö towi nöowi baibanö pokwobe, ja̧danö pji̧yu̧ma ichö, jowi ötjebiyanö tja'do̧ tjotidobe— jö̧ba̧lö wanedö yöawinobe Jesúsma.