آيات مشهورة من الكتاب المقدس منGénesis 13

شارك

Okobe jwiinö öwawemi nijima ökwönö, ökwötjö tupadanö jojodönö chiyocha, ba̧kwȩlö̧jatebö jobe kwuju̧kwaduwobö.

Ja̧danö, Lot i̧'ya̧jabe okobetjö Isabenö Jo̧ Diosma jö̧ba̧lijetö Abramnöma: —Abram, otiwanö eda̧li, ja̧wo̧ laebobekwöbi, ja̧wo̧ meajobekwöbi, ja̧wo̧tjö u'dakwöbi, ja̧wo̧tjö a̧li̧kwöbi— jö̧ba̧lijetö—.

Ja̧danö Abram, ökwötjö tupadanö jojodö tjöba̧jekwachinö pjatatakwo̧sa. Yelösöda, niji so̧pja̧danö tjöba̧jekwachakwedö, ökwötjö tupadanö jojodöma. Niji so̧pja̧ma ¿ti öba̧ja̧dobeda? Deobe. Jejenö ökwötjö tupadanö jojodöma. Ba̧jadöbi tjöba̧jadobö jwiakobe ba̧jekwadötjobetjö̧.

Ikenama Abram a̧jwi̧munö te'ada̧ladökwö Lot a̧jwi̧munö te'ada̧ladökwö wene tjujuna̧liökwe jö̧ba̧lijetö Abramma Lotnö: —Chitji̧ a̧ja̧kwitjö. Ökwödöma dömöledö. Jo̧kwaobetjö̧ wene jwiinö dö̧jo, Ja̧danö cha̧jwi̧munö te'ada̧ladökwöbi ökwö kwa̧jwi̧munö te'ada̧ladökwöbi wene jwiinö dö̧jobö jo̧be.

Jejenö weiökwe Abramma isa̧do̧tjö otidinejuma ejatibö e'ewö 'yi̧jetö. 'Ya̧jo̧ Hebrón comunidad ö'öbönö ju̧kwijetö, towibiya owiawi ju̧kwena. Jobema jelo̧ itebo, Mamre mikwina. Abramma jobetjö otidijetö juwö iyawemi, Isabenö Jo̧ Diosnö ösödobö.

Jejenö jö̧a̧liökwe Lotma Jordán ojwe ö'öbö niji ba̧ba̧lawemi eda̧lijetö. Edemi jwiinö otiwanö tiyuwijetö jemi nijima, Sóar niji ichibanö. Otiwanö tiyuwijetö, Edén batjo nijidanö, ja̧danö, Egipto nijidanö. Ja̧ mölema Sodoma niji Gomorra niji Isabenö Jo̧ Dios ina lȩebokobetjö̧ jemima jwiinö otiwijetö.