آيات مشهورة من الكتاب المقدس منमत्ती 18

شارك

काँह्भई तित्थी जे दो या तिन्न जणे मेरे नौआं पर परमेशरा ते सहायता खातर प्राथना करने जो कट्ठे हुआं ये, तित्थी हऊँ तिन्हारी सहायता करने खातर तिन्हारे बिच मौजूद आ।”

हऊँ तिज्जो ये बी दस्सां भई इसा धरतिया पर जे तुहां चते कोई दो जणे इक मन हुईने किसी विवादा रे समाधाना रे बारे च मेरे पिता ते मंगगे सै जे स्वर्गा चा, तां तिस तुहांरी सहायता जरूर करनी।

फेरी तिने इक बच्चे जो अप्पूँ ले सद्दया कने तिस्सो तिन्हारे सामणे खड़ा कित्या, कने बोल्या “हऊँ तुहांजो सच्च बोलां भई जे तुहें बदली ने बच्चयां साई नम्र नीं ओ, तां परमेशरा तुहां पर राज करने जो सैहमत नीं हूणा।

इस खातर अप्पूँजो सै जे कोई इस बच्चे साई नम्र बणां, सैई स्वर्गा रे राज्जा च सब्बीं ते बड्डा हूणा।”

कने सै जे कोई मेरे नौआं ते इक येढ़े बच्चे जो ग्रहण कराँ सै मिन्जो ग्रहण कराँ।

“हऊँ तुहांजो सच्च बोलां, जो किछ तुहें धरतिया पर लोकां जो करने री अनुमति नीं देंगे तिस्सो करने री परमेशरा बी अनुमति नीं देणी, कने जो किछ तुहें धरतिया पर लोकां जो करने री अनुमति देंगे तिस्सो परमेशरा बी करने री अनुमति देणी।

“इस तरिके ने जे तुहां चते हर इक मांह पर विश्वास करने औल़े जो मना ते माफ नीं करगा, तां मेरे पिता सै जे स्वर्गा चा, तुहांजो बी तेढ़ा इ बर्ताव करना।”

“सै जे कोई माह पर विश्वास करने औल़यां चते इक्की जो बी पाप करने पर मजबूर करो तां परमेशरा तिस्सो इसते बी बौहत भयानक सजा देणी। जे कोई इक घराटा रा बाट्ट तिसरे गल़े ने बन्हीने समुद्रा च सट्टि दो तां तिसरे खातर ये बौहत सजा हुई सक्कां इ, पर इसते बी भयानक सजा परमेशरा देणी।

दस्स तू क्या सोच्चां? जे किसी ले सौ भेड्डां ओ, कने तिन्हां चते इक भटकी जाओ, तां क्या तिस दुज्जियां नड़िनुये भेड्डां जो सुरक्षित जगह पर छड्डिने, तिसा गवाच्छी रिया इक्की भेड्डा जो टोलणे नीं जाणा?