آيات مشهورة من الكتاب المقدس منMphattuwelo 9

شارك

Nluku ahopwaherera wuulumaca eeraka: Ila phi ikanyero yo nleehano naka ninoopankelakani, ukhuma nyu mpaka citthu cothene cirinenyu, cirina ukumi, mpaka maloko othene ohoolo. Nikhwii naka kiheesa mmahutteni. Ninkookhala ikanyero yo nleehano naka ni ilapo.

Ukati wothene unkelaya woonnya nikhwii mmahutteni, kinkooweha ni kinkowuupuwela nleehano noohimala na atthu ni citthu cothene coomumula co khula nnanna, cinkhala mwiilaponi.

Ntthu nohala umwarusa iphome ya nkhwawe, iphome awe inhala umwarusiya ciicammo ni ntthu, kontha, ni ilatta ya Nluku, phipankiyawe ntthu.

Nluku ahonreriha Nowee na asaanawe amwiirelaka coo: Nnyaranace, muncereryane ni ncarace mwiilaponi.

Citthu cothene cirina ukumi ni ceettaka cinkokhala coolya cinyu. Toko cuvahilyakani matakhuru, nna va kinawuvahani citthu cothene.

Inama cothene co mwiilaponi cinkowuttettemelani ciwoovakani nyu: inama co ntakhwani, asaanuni o wirimu, inama cineepurula vathi ni ihopa co mpahari. Cothene nhovahiya mmatatani mwinyu.

Nanso nyu, nkhale ooyaranaca ni muncereryane. Mmwaryeele mwiilaponi ni ncaranace mommo.