آيات مشهورة من الكتاب المقدس منAkisiakinet 27

شارك

Kimiek Akuj kiinak iyong ngakop a adis, ka ngalup naketurupunak ngikinyam, ta alalau a akimuj, ka emuna lo epuritoe. Kimiek ngibukui tosuba etich kon, nabo toriediko ngitunga anikon, a arimatoi. Toliwor iyong ekapolon a talokaatokon. Kimiek ngalesea a itiokon toriediko a arimatoi anikon. Itwaan daang nikilami iyong, ilamio ngesi dang, ani itwaan daang nikipiari iyong, epiario ngesi dang.”

Tolim Esau tama, “Ngakiro nguna kesi enyaritere ngesi Yakobo! Kamod ngesi ayong ngamodet ngaarei. Esiauni kolong ngesi tolema apolou kang na araakar ikoku ni ekingaren. Nakaneni alema tokona apiaro kang.” Ani erumor kingit ngesi apakeng tama, “Emam tokona apiaro adio kidekinit iyong ayong a?”

Sodi apakeng tolimok tama, “Ilonikinosi iyong ka ngalup naketurupunak ngikinyam, eloner tani anakop ana eponito anadis. Iyari iyong a ekileng kon, nakaneni isubi iyong etich a lokaatokon, ani kianyu iyong alolomu na ingerio ngakiro keng, ingedi ibore ni eenitor ngesi eluute kon.”

Tolimok Esau apakeng tama, “Apa, apiaro apei bon kolong eyei iyong a? Topiarae kare ayong dang apa!” Sodi kikalou Esau kiute.