آيات مشهورة من الكتاب المقدس منILUKU 16

شارك

IJisọsị myịmyị byaa yẹkẹẹ, “Ọng myị́ ọng ọlẹ kọ chịla o-hu ọkịlẹtụ ha ẹ-ẹga nya ang ochiche aalẹ, ọngọọwa tịtị ka chịla o-hu ọkịlẹtụ ha ẹ-ẹga nya ang ọtụka ịnyịnyị! Ma, ọngọlẹ kọ tị la kpẹẹkpẹẹ ẹ-ẹga nya ang ochiche ka aalẹ, ọngọọwa á tịtị ka jẹ́-ẹ la kpẹẹkpẹẹ ẹ-ẹga nya ang ọtụka ka, ịnyịnyị.

IJisọsị myịmyị byaa yẹkẹẹ, “Ọnchẹ ookpokpo á ka jẹ́-ẹ juwa myị ẹrụ ha ayịbaba imiiye lụka ookpokpo myị́ kpong-kpong ka. Chajị, ó-ri kọ họ ịnyị aalẹ, ayịbaba ọhẹ ka họ́ọ. Ma, ayịbaba ọkịla tị ka wọọ ẹjẹ. Ọ ka ju ọngọhẹ nyaa ihi. Ma, ọ ka ju ọngọkịla nyaa ẹpẹ ịnyịnyị. Ịnyịnyị, ọ la lẹ. Ánụ́ ka jẹ́-ẹ juwa myị ẹrụ ha ụdụ nya odehe ọlẹ lala ọnchẹ, anụ ka myịmyị jẹ́-ẹ juwa ju Ohe Oluhye ihi kpẹẹkpẹẹ myị́ kpong-kpong kaka.”

Ee lẹ, ó-ri kaanụ ayịdang á chịla o-hu ọkịlẹtụ ha ẹ-ẹga nya ụdụ nya odehe ọlẹ ka, o-owo, a tị́ ka myị-ị hu ụdụ nya epwoohe ọlẹ kọ ri ụdụ nya ịlẹhị hanụ mẹ? Ọ́ tị ri kanụ chịla o-hu ọkịlẹtụ ha ẹ-ẹga nya ang nya ọngọkịla ka, o-owo, a tị́ ka hu ang nya ịlọnụ anụ hanụ ịnyịnyị?”

Ebiraham wẹ byoo yẹkẹẹ, ‘Ó-ri ká ẹla nya Ohe Oluhye oyaya nya iMosisi bala ịnya alọmwụ nya Ohe Oluhye ịkịla á wu anyadang ịịwa ẹpwụ kpụ, ị yẹ irya da ka, tụbwọ aalẹ, ẹla nya Ohe Oluhye oyaya nya ọngọ wuleji bwula igu á ka wu aa ẹpwụ myị́ kpong-kpong ka, ịnyịnyị.’ ”

“Ọrụ-ahụ ọnyị myị ọnyị ọlẹ kọ pwa ahụ nyamwụ kaka ye ọnyang ọkịla lẹ aalẹ, ụya a wẹ kọ họ ba ahụ onyogo nyamwụ lẹlẹ. Ọlẹng ọnyị myị ọnyị ọlẹ kọ tị ye ọnyang ahụ ọlẹ kị pwapwa lẹ aalẹ, ụya a wẹ, ká ọlẹng ọọwa họ ịnyịnyị lẹlẹ.”