آيات مشهورة من الكتاب المقدس منUJƆ́NI 19

شارك

Eko nɛ̄ Ujísɔ̄si lɛ ejé omákáká ā gwá ā, ó kahíníī, “Ó mɛ ɛɛ́.” Ó tá ɛyí kpɛɛ́, anɔ́ɔ ó mā owu á.

Ujísɔ̄si le jé ka abālɔbányā ɔdā dóódu ɔ́ɔ le yá jīla ɛɛ́. Anɔ́ɔ o yá kú ɛlā nēé tá ipú ɔkpá kú ɛlɔ̄ɔwɔicō kóō le yá jīla ā, Ujísɔ̄si kahíníī, “Ijēēnyi gē ŋmó um.”

Eko nɛ̄ Ujísɔ̄si lɛ ɛ́nɛ́ nū mɛ́mla ɔyíkpó nōo he ɔ́ ɔtū nɛ̄hi ā má abɔ̄ é háyi ā, ó da ɛ́nɛ́ nū kahíníī, “Ɛ́nɛ́, má ɔyí uwɔ nɔ̄nyīlɔ.” Anɔ́ɔ ó da ɔyíkpó kú nū ā kahíníī, “Ó wɛ ɛ́nɛ́ ɔ̄.” Anɔ́ɔ oŋmá éko ɔ́ɔmā ɔyíkpó ā kwu ɛ́nɛ́ ā ú kóō gaá lā ɔlɛ́ nū.

Amáŋ eko nēé gā ɛgiyí Ujísɔ̄si nēé má kóō gekwú ɛɛ́ mā, é cē ikpó kú nū dɛ̄ɛ̄ gɛ ŋ́. Éyi kú aícɔ́ɔja ā lɛ óbō gwū ɔ̄ áklō, anɔ́ɔ ɔkwɔɔkwu ɔ́ɔmā oyī mɛ́mla éŋkpɔ̄ le pɛ́ wɛ̄ɛcɛ á.

Ohígbū ka ɔdā nēe bá ā yá ká ɛlā nēé tá ipú ɔkpá ɛlɔ̄ɔwɔicō kahíníī, “Ikpokwú kú nū dúúmā í gaá cē ŋ́ mā,” kóō le yájīla. Ó lɛ ɛgɔhá kú ɔkpá ɛlɔ̄ɔwɔicō nēé klla tá kahíníī, “É géē je eyī má ɔ̄cɛ nēé lɛ óbō gwō ɔ̄ ā.”

Aícɔ́ɔja ā le Ujísɔ̄si bī tá nyɔ̄. Ó bī ɔcóōnyɔ́kpá kú nū gɛɛcɛ ga ɛga nēé hī ka Ɛga kú Ákōklɔ̄ ɛyí.” (Ācɛ Uhíbru hī ɔ̄ ka Ugɔ́lgɔ̄ta.”)

Aícɔ́ɔja ā bī ɔcúújē lɛ ɔfulā kú ɔcɛ́ yá, anɔ́ɔ é kwú ɔ̄ í wu ɔ́ ɛyí, anɔ́ɔ é kwú awulú kú ɔgalúlā bllábllá ú klá anú iyē á.