آيات مشهورة من الكتاب المقدس منUJƆ́NI 15

شارك

Ami lɛbɛ̄ɛka ɔcí ufáyin á, aá kē lɛbɛ̄ɛka ābɔ̄ nū á. Ɔ̄cɛ nōo lā yɔ̄ ī pīyatɔ̄há mla um, nɛ̄ n kē yɔ̄ ī piyatɔ̄há mla anú, géē gwá īkpō nwuné nwuné, ohígbū ka ɔ́dāŋ kóō wɛ ami ŋ́, aá lɔfú yá ɔdā dúú glá ŋ́.

Aá yɔ̄ ī pīyatɔ̄há mla um, ká n̄ yɔ̄ ī pīyatɔ̄há mla aá. Ɛ́gɛ́nɛ̄ ābɔ̄ ɔcí í lɔfú gwá īkpō abɔ̄yī nū glá ŋ́ mā, ń táafú ŋ́ ó kwu ɔcí ufáyin ā, ɛ́gɔ́ɔmā nɛ̄ aá lɔfú gwá īkpō glá ŋ́ dúú á, ń táafú ŋ́ aá yɔ̄ ī pīyatɔ̄há mla um.

Ɔ́dāŋ́ ka aá yɔ̄ ī piyatɔ̄há mla um, nɛ̄ ɛlā kú um kē yɔ̄ ipú ɔtū kú aá, ɔdā dúúmā nɛ̄ aá tíne, é géē yá ɔ̄ lɛ aá.

Ó wɛ aá fu um ā ŋ́, amáŋ ami fu aá á. N je ɔfú lɛ aá ká aá nyɔ̄ gaá gwá īkpō, cɛ́ɛ́ ká īkpō kú aá kóō lɛ́ɛcɛ. Ká ɔdā dúúmā nɛ̄ aá dɔɔ̄kā ŋmá abɔ̄ Ádā um o ŋmá lɛ iyē kú um ā, ō géē je lɛ aá.

Ɔ́dāŋ́ nɛ̄ ɔ̄cɛ gekwú ohígbū aóklóbīya nū, ɔ́ɔmā mafú ka ó lɛ ihɔtū ɔhá dúú nɛ̄ ó mafú fíyɛ́ ɔdā nɛ̄ ó yá nyā glá gɛ ŋ́.

Ābɔ̄ kú um dúúmā nōó gwá īkpō ŋ́, ó géē gwó ɔ̄ tónū, abɔ̄ dúúmā nōo ī gwá īkpō, ó géē tá ɔ̄ hɛ́ yēŋēē kóō gwá īkpō fíyɛ́.

“Ɛ̄nyā wɛ íne kú um á, ká aá yíihɔtū tá ɔ́mpa aá ɛ́gɛ́nɛ̄ n yíihɔtū tū aá lɛ ā.

Ɔ́dāŋ́ ka aá gē gwá īkpō nwuné nwuné, aá gē mafú ka aá wɛ ayíkpó kú um, cɛ́ɛ́ é géē mafú lɛ ācɛ ka Ádā um wɛ idáagó.

Ujísɔ̄si klla da ayíkpó kú nū kahíníī, “Ami wɛ ɛ́nɛ́nɛ̄ ɔcí ufáyin á, Ádā um wɛ ɔgɛ́ɛjí ō leyīkwu ɔcí ufáyin ā á.

Ɔ́dāŋ́ ka ɔ̄cɛ dúúmā í yɔ̄ ī piyatɔ̄há mla um ŋ́, é í je ɔ́ hɛ́ tɛ́ɛcɛ bɛ̄ɛka ābɔ̄ ɔcí ā, ó géē je ŋmókókó, anɔ́ɔ ācɛ lɛ uwá túbá, klla lɛ uwá kpó tɔ̄lá cɛ́ɛ́ é le kpó yɔlá.

N le aɔ́dā nēe bá nyā kpó ka lɛ aá, cɛ́ɛ́ kú ɛdɔ ká ɔtū nōo he um ā kóō he aá dúú, cɛ́ɛ́ ká aá gwéeyē gajaajɛ.

Ɔ́dāŋ́ ka aá lɛ íne kú um tū, n géē yɔ̄ ī yíihɔtū tū aá, ɛ́gɛ́nɛ̄ n lɛ íne kú Ádā um tū, nōó kē yɔ̄ ī yíihɔtū tū um ā.

Aíne nēe bá nyā nɛ̄ n je lɛ aá á, ka aá yíihɔtū tū ɔ́mpa aá.”

Ɔ́dāŋ́ ka aá wɛ ákú ɛcɛ nɛɛ, cɛ́ɛ́ ɛcɛ ā géē yɛ í yíihɔtū tū aá abɔ̄ nɛ̄ aá wɛ ákú nū ā. Amáŋ ami fu aá ŋmá ipú ɛcɛ nyā a á. Aá kē wɛ ákú ɛcɛ ā gɛ ŋ́, amáŋ ami fu aá ŋmá ɛcɛ á, ɔ́ɔmā yá ɛ́ɛ́ nɛ̄ ɛcɛ ā gē wɔ́tū aá má.