آيات مشهورة من الكتاب المقدس منOHÚTU 21

شارك

Óndú ā le afa cē klá Usára, ɛ́gɛ́nɛ̄ ó cokónu ka anɔ́ɔ í yá ā.

Ɔwɔicō le ɔkɔ ikwū kú ɔyí nɛ̄ŋ́cɛ́ ā pó, anɔ́ɔ alelékwū-ōtɛ̄hɔ̄ kú Ɔwɔicō éyi hī Uhága igwú ŋmá ɔkpáncō da ɔ́ kahíníī, “Uhága, ɔdí gē je unwalu gā uwɔ ā a? Ā yúúfi ŋ́, ohígbū ka Ɔwɔicō le ɔkɔ ikwū kú ɔyí nɛ̄ŋ́cɛ́ ā pó ŋmá ɛga nōó yɔ̄ ā ɛɛ́. Cāŋjɛ ká ā kwú ɔyí ā ú, ká ā lɛ ɔ́ túbi, ohígbū ka n géē je ayááyī nū pīya éwo nɛ̄hi.”

Usára le ipú yɔ̄, le ɔyí ɔ̄cɛnyīlɔ éyi ma lɛ Ébrahām eko nōó le hīlókplīcī ā. Ó mɔyí ā eko nɛ̄ Óndú ā cokónu ka ɔ́ɔ géē ma ā.

Anɔ́ɔ Usára kahíníī, “Ɔwɔicō le éeyē mɛ́mla ɛhɛ bī gé um ɛɛ́. Ɔ̄cɛ dóódu nōo le ɛ̄nyā pó, géē yɛhɛ mɛ́mla um.”

Amáŋ Ɔwɔicō da Ébrahām kahíníī, “Ɛlā nyā kóō híī kwú uwɔ iyē ohígbū ɔyí ā mɛ́mla ɔfiyɛ nɔ̄nyā kú ɔlɛ́ uwɔ ā ŋ́. Ɔdā dóódu nɛ̄ Usára da uwɔ ā, yā ɛ́gɛ́nɛ̄ ó da uwɔ ā, ohígbū ka oŋmá ɛgiyí Áyísīki nɛ̄ ipɔ́ɔma kú uwɔ géē lé iyē á.

N kē í bī éwo nɛ̄hi wɛ̄ɛcɛ ŋmá iyē kú Íssmɛ̄lu, ɔyí kú ɔfiyɛ nɔ̄nyā ā dúú, ohígbū koó wɛ ɔyí uwɔ̄.”