آيات مشهورة من الكتاب المقدس منJohn 2

شارك

Óóki. Áámohkayii otsístsitsawaistamatstohkssina opisatáʼpssina omáa Jesus. Ánnima itanísttotsimayi omiim akáítapissko i Cana. Istakáítapisskowa omii Galilee. Kii ánnimayii itáístamatstohkatooma manístsspsspi ki ománikapiimiksi otsítomatapomaiʼtookaiksi.

Jesus itanístsiiwayi, “Naʼáa. Ni táwanisttsiihpistsi kimátsitoʼtohkoyikiihpa. Mátomaoʼtsstsiiwa nitsítakanisttotsiihpi nitákanisttotsiihpi.”

Jesus itanístsiiwa omiiksi áyiisakiiksi “Matóóʼtakik aohkíí ki stámohtokimsstooka omiistsi óókotoksiisoyinnistsi.” Sotámiitaʼpohtokimsstoomiaawaistsi. Jesus itanísiiwaiksi “Ánnoohka tóttakika. Istotóttakoosa annaahka istsínawa annoo omoóóhsini.” Ki itóttakoyiiyaawáyi. Óóki omii aohkííyi ákayiiniaohkiiwaʼsiwa.

Jesus itanístsiiwaiksi, “Áa. Óóki. Ikkamóksistotsimiinoainiki áámohka Áʼpistotookiwa ookóówaayihka ki niyókskaiksistsikoi tákitsiksistsiitaakaʼpistotsiihpa.”

Jesus áíʼsstsipissimaʼtsskaawa. Ikkstóʼpiiksi iihtáʼpistotsimayi. Sotámohtohkanaisaisskoyiiwa amííksi iitáʼsiiksi ki otápotskinaamoaawaiksi ki otómahkihkinaimoaawaiksi. Sotámaʼsoyinniwa omiiksi áwaahtsoaohkottsiiksi otsináánoawaiksi míʼksskimmiksi míʼksskimmiksi. Áóʼmapistoom omíístsi otsítaohkitsstakihpoaawaistsi itáisóoyoʼpistsi. Sotámanistsiiwa omííksi áʼpaihkahtakiiksi kakkói “Sotámistapípiooka áámoksi. Annóma nínna Áʼpistotookiwa okóówayi. Kanistáístotsiʼpoaawa ánni itáómatskahtakioʼpi.”