آيات مشهورة من الكتاب المقدس منJohn 12

شارك

Kii oma̱a mata̱piiwa, ikka̱mstattsiiniki na̱a̱hkaʼpaoʼtomo̱yissi, a̱kstsinaʼohtsapo̱owa niisto̱yi. Ki a̱nniai nita̱kitohpokaʼpaissiimoka omii nitsi̱takaʼpaisspi. Ki ikkama̱ʼpoʼtomootsiiniki ota̱kainaimnoka anniiska ni̱nniska A̱ʼpistotooki iyiska.

Ki a̱nnihkayi ko̱mohtanistohpoaawa, oma̱a mata̱piiwa ikka̱msikimiʼtsisi opa̱i̱tapiʼssini, opa̱i̱tapiʼssini a̱ko̱nooksistotsiihpa. Oma̱a mata̱piwa ikka̱msaisikimiʼtsisi a̱nnohka opa̱i̱tapiʼssini, osto̱yi a̱nnaoʼka i̱ssoohtsika a̱kitsiitaʼpipaitapiwa ita̱kaisksipaitapiiyoʼpi.

Ki annaahka Jesus iihtssi̱tsipssatsiiwaiksi ota̱ksiʼnssini. Itoto̱i̱sskskanistomayi. A̱a̱niiwa “Kita̱kanistohpoaawa niitsiiyi. Amia napayi̱ninssimaani istsi̱i̱ni niʼto̱yi a̱kanistsiwa a̱kitsiʼniwa; a̱kitsitsinnisiwa ksa̱a̱hkoyi. Ki o̱o̱mi to̱kskayi innisi̱i̱yi mi̱i̱ni a̱ksistapaka̱yiinaʼsiwa. Ikka̱msawanistsiisi ma̱a̱hksinnisiʼssi a̱ksaakiaiʼtokskai.

Niisto̱wa anno̱o ksa̱a̱hkommi no̱mohtsitoʼto̱o na̱a̱hkohkotahsi mata̱piiksi ma̱a̱hkitaʼpawaawahkaahsaa ksiistsiko̱i̱nattsi. Ni̱tohkanaomaiʼtookiiksi ma̱takattsitaʼpawaawahka̱a̱waiksi isski̱inattsi.

O̱ki. Oma̱a ayo̱o̱htsima nita̱a̱niihpistsi, ikka̱msawanistai̱ʼtsisaistsi, niisto̱wa nima̱tohtaokakihtsimatawa opahtsa̱ʼpssini. Nima̱tsitohtsitoʼtoohpa anno̱o ksa̱a̱hkommi na̱a̱hkitokakihtsimatahsi mata̱piiksi. No̱mohtsitoʼtoo na̱a̱hksikamotsi̱i̱piahsaawa.

Kii, ki oma̱a Mary, sota̱moʼtakiwa niʼtsso̱koi iihta̱i̱tsiimioohsoʼpi. Niita̱ʼpanistapiiwa a̱a̱mohka iihta̱i̱tsiimiohsoʼpihka niitsi̱nihkatoohpihka nard. Sto̱nnatakaohtoohpa. Mary sota̱moʼtsima a̱a̱mohka iihta̱i̱tsiimiohsoʼpi. Sota̱mitaʼssoyinnakiwa Jesus ohka̱tsistsi, ki ina̱ʼohtsitssi̱inimaistsi oʼtoka̱a̱ni. Ki omii pisto̱o̱htsi ni̱i̱taʼpohkanaiʼtsiiyimowa.

Ki a̱nniayi itssi̱i̱koʼtakiiyaawa matoyo̱o̱paisskoi ki itsska̱atsiiyaawa Jesus. A̱i̱sohkawaaniiyaawa, “A̱a̱hksspimmawa A̱ʼpistotookiwa ki A̱ʼpistotookiwa a̱a̱hksspommoyiiwa o̱o̱mi ota̱ʼpaoʼtomooki. A̱nnahkaoʼka a̱kitsinawaʼsiwa kiisto̱nnooni anno̱o Israel.”

O̱ki. Jesus itani̱i̱wa, “A̱nnohkaoʼka a̱o̱ʼtsstsiiwa nitsi̱taaksinaya̱ttsookoyi. Niisto̱akaoʼka annaahka Mata̱piiwahka.”