آيات مشهورة من الكتاب المقدس منGENESIS 17

شارك

Abram isqon chunka isqonniyoq watanpi kachkaptinmi Tayta Dios rikuriykuspan nirqa: —Ñoqam kani Tukuy Atipayniyoq Dios, munasqayman hinayá agradoypaq kawsay.

Manañam Abramñachu sutikiqa kanqa aswanqa Abrahamñam, miraynikikunatam achka nacionman tikrasaq.

Miraynikikunapaqwan qampa Diosniki kanaypaqmi qanwan wiñaypaq contratoyta rurasaq chaynataq qepayki hamuq miraynikikunawanpas.

—Kaymi qanwan contratoy, qampa miraynikikunam kanqa achka nacionkuna.

Chaymi Diosñataq nirqa: —Cheqaptapunim warmiki Sara wachakunqa qampa churikita hinaptinmi Isaacwan sutichanki, paywanmi rurasaq wiñaypaq contratoyta, rurasaqtaqmi paypa mirayninkunawanpas.

Kay *f**yachasqayki allpatam qanman qosqayki miraynikikunamanwan hinaspam paykunapa Diosnin kasaq. Enteron Canaan allpaqa wiñaypaq herenciaykichikmi kanqa —nispa.

Chaymi Abrahamqa qonqoranpa pampaman kumuykuspan asikurqa sonqonpi kaynata nispa: —¿Pachak watayoq runapas yaqaraqchum churiyoq kanman? ¿Sarapas isqon chunka watayoqchum wachakunmanraq? —nispa.

Diosqa Abrahamtam nirqataq: —Warmikipa sutinqa kanqa manam Saraiñachu, aswanqa Sarañam.

Señalankichikqa qari kayninpa qarachanta kuchuspam chaymi qamkunawan contrato rurasqaypa señalnin kanqa.

Contratoytam ichaqa rurasaq Isaacwan. Paytam warmiki Sara wachakunqa hamuq wata kunan hina tiempopi —nispa.

Qamkuna ukupi kaq naceq lliw qari wawakunam pusaq kaq punchawninpi señalasqa kanqa, señalasqataqyá kachun miraynikikunapas, wasikipi naceqkunapas, mana miraynikimanta kaq maymanta hamukuqpas chaynataq qollqewan rantisqayki kaqpas. Paykunaqa señalasqapunimá kanqaku. Chaynapim wiñaypaq contratoy kanqa cuerpoykichikpi.