آيات مشهورة من الكتاب المقدس منSơnròp Gơlik Gơs 24

شارك

Khai đơs lah: “Ơ Jehôwa, Yàng Tom Trồ Abraham cau tòm añ jê! Dan ai añ in tìp gŏ tòm ngai do bơta añ jòi, mơ ai bơta nđàc Abraham in la cau tòm añ jê.

Dan ai cau ùr lơi mơ añ rơp đơs be do: ‘Dan sơrkềng yang dà ai añ in’ mơ khai ho lah: ‘Hùc tĕ gen añ rơp ai ală làkđa mê in hùc sơl,’ la să tòm cau Yàng neh sac ai Isak cau dĭ Kơnràñ in, mơ kơnòm di bơta hơ̆ añ rơp git lah Yàng neh ai bơta nđàc cau tòm añ in.”

Gen Isak lam Rebeka mut tòm sàl Sara, mè khai dê; khai bau mơ Rebeka, mơ kòñ gơboh dê bau khai. Behơ̆ Isak rài moat jrùng tơnơ̆ mơ tŭ mè khai neh chơt.

Bol khai ai lơngai Rebeka in mơ đơs lah: “Ơ oh ùr hi dê, dan ai in gơlik gơs mè tơlak tơmàn cau dê, mơ ai jơi bơtiàn ai in pìt sơmbrơt mpồng ală cau sò tơm dê!”

mơ añ rơp sồr mê ai sơnđan Yàng Jehôwa la Yàng trồ mơ tiah dê mơ ho bal lah mê ò jòi bau kòn klau añ in tòm ală cau ơruh làng bol Kanaan dê, hơ̆ la làng bol mơ bol he ơm ing nàng tòmbau mơ kòn klau añ, mơya pal rê hơ lơgar añ, tòm hìu nhă añ mơ jòi bau Isak kòn klau añ in.”