آيات مشهورة من الكتاب المقدس منJuan 3

شارك

Tu'nju nimxix tk'ujlalil Dios kyi'j xjal, kyja'tzun ma chin tzaj sama'ne tu'n, aqine o'kxku jun Tk'wa'l, tu'ntzun mi'n kynaj kykyaqil qeju ma che okslan wi'je, noq o'kx tu'n tten kychwinqlal te jumajx.

Porke minti' ma chin tzaj sama'ne tu'n Dios kyxol xjal tu'n tkub' kysentens xjal, noq o'kx tu'n kyklet xjal wu'ne, aqine Tk'wa'l.

Xi ttzaq'we'n Jesús: —Ax tok kxel nma'ne teya, alkye minti' ma tz'itz'j tkab'maji'n, mlayx tz'el tnik' ti'j tkawb'il Dios.

Alkye ma tz'okslan wi'je, mlay kub' t-sentens; atzun qeju minti' in che okslan, ya ma kub' kysentens, tu'nju minti' in xi kyoksla'n nyole, aqine o'kxku jun Tk'wa'l Dios.

Ex tu'ntzun jlu, ma kub' kysentens xjal; porke ul ju spik'un kyxol xjal, atzun kye xjal mas e tzalaj ti'j tu'n kyten tuj qlolj, kyk'i' tu'n kyten tuj spik'un, porke mya b'a'n kyb'inchb'en.

Kyja'tzun ilxix ti'j tu'n tten mas toklen, atzun weye tu'n tten noq ch'in woklene.

Ex kykyaqil qeju in che b'inchan mya b'a'n, nne'l kyik'un aju spik'un, ex mi'n kyaj tu'n kyul tuj spik'un, tu'ntzun mi'n tel tuj q'ancha'l aju kyb'inchb'en mya b'a'n.

Alkye ma tz'okslan ti'j Tk'wa'l Dios, at tchwinqlal te jumajx; atzunju tk'i' tz'okslan ti'j Tk'wa'l Dios, mlayx ten tchwinqlal, noq o'kx kb'el jun tcastiw ma'xix tu'n Dios.

Ik tza'n te Moisés jax tq'o'n jun tilb'ilal lob'aj twi tze' tuj lugar minti' kynajb'il xjal tuj, ikxtzun weye ilxix ti'j tu'n njax q'o'ne, aqine sk'o'maj qine tu'n Dios tu'n ntene kyuk'il xjal

Ate Dios Mamb'aj k'ujla'n Tk'wa'l tu'n, ex o tzaj tq'o'n Mamb'aj tkyaqil tuj tq'ab' Tk'wa'l.