آيات مشهورة من الكتاب المقدس منMutendeko 6

شارك

FUMU, yikaŵa na chitima kuti yikalenga munthu mu charu, ndipo ichi chikaŵinyiska mtima wakhe.

FUMU yikawona kuti uheni wa munthu ukaŵa ukuru mu charu na kuti malanguruko ghose gha maghanoghano gha mtima wakhe ghakaŵa ghaheni pera rutaruta.

Kweni Nowa wakasanga uchizi pa maso pa FUMU.

Iyi ndi ndondomeko ya umoyo wa Nowa. Nowa wakaŵa murunji na wambula kalema mu muwiro wakhe. Iyo wakendanga na Chiuta.

Ntheura FUMU yikati, “Nditi ndiparanye pa charu munthu uyo ndili kumulenga, munthu na chinyama, vyakukhwaŵa na viyuni vya mudera, pakuti ndili na chitima kuti nkhavilenga.”

Para ŵanthu ŵakamba kwandana mu charu, ndipo ŵana ŵanakazi ŵakababika kwa iwo, ŵana ŵa Chiuta ŵakawona kuti ŵana ŵanakazi ŵa ŵanthu mbakutowa. Ndipo ŵakajitorera ŵanakazi kuŵa ŵawoli ŵawo mwa awo ŵakasankhapo. Ndipo FUMU yikati, “Mzimu wane uti ukharenge mu munthu muyirayira chara, pakuti iyo ndi thupi ilo likufwa. Virimika vyakhe viti viŵenge 120.” Mu mazuŵa ghara ndiposo na pamanyuma, ŵaNefilimu ŵakaŵa mu charu. Iwo ŵakababika mu ŵana ŵanakazi ŵa ŵanthu, ŵana ŵanarume ŵa Chiuta ŵati ŵanjiramo mwa iwo na kubabamo ŵana. Ŵeneaŵa ndiwo ŵakaŵa vinkhara vya kale, ndiposo na viŵanthu vya lumbiri.

Ntheura ndimo wakachitira Nowa. Wakachita chose icho Chiuta wakamulangula.

Chiuta wakati kwa Nowa, “Ndadumula kumara ŵanthu wose, pakuti charu chazura na chitimbaheti chifukwa cha iwo. Sono nditi ndiŵamare pamoza na charu.

Uzenge ngaraŵa ya mathabwa gha mulombwa. Uŵikemo vipinda mu ngaraŵa ndipo uyimate na phula mukati na kuwaro wuwo.

Chiuta wakawona umo charu chikanangikira pakuti ŵanthu wose pa charu wakananga nthowa zawo.

Ndipo pa mtundu wose wa vyamoyo uti utorepo viŵiriviŵiri, chanarume na chanakazi, na kuvinjizga mu ngaraŵa, mwakuti visungike vyamoyo pamoza na iwe.