آيات مشهورة من الكتاب المقدس منལོ་ཀུ 23

شارك

དུས༌དེར། སྐྱབས་མགོན་ཡེ་ཤུས་འདི་སྐད༌དུ། ཀྱེ། ཡབ་ལགས། ཁོ་རྣམས་ཀྱིས་རང་གིས་ཅི་བྱེད་བཞིན་པའང་མི་ཤེས་པས་ཉེས་སྐྱོན་བསལ་བར་མཛོད་ཅེས་གསུངས་སོ༎ དེ་ནས་དམག་མི་རྣམས་ཀྱིས་རྒྱན་འཕངས་ནས་ཁོང་གི་ན་བཟའ་བགོ་བཤའ་བརྒྱབ།

ཁོང་གིས་ཉེས་ཅན་དེ་ལ་འདི་སྐད༌དུ། བདག་གིས་ཁྱོད་ལ་བདེན་པར་སྨྲ༌སྟེ། དེ་རིང་ཁྱོད་ནི་བདག་དང་མཉམ་དུ་ནམ་མཁའི་ཞིང་ཁམས་ཀྱི་དགའ་བདེའི་ལྡུམ་རའི་ནང་དུ་ཡོད་པར་འགྱུར་ཞེས་གསུངས༌སོ།།

ཡང་ཁོས་སྐྱབས་མགོན་ཡེ་ཤུ་ལ། ཡེ་ཤུ༌ལགས། ཁྱེད་རང་རྒྱལ་སྲིད་ཀྱི་ནང་དུ་ཕེབས་ཡོང་བའི་དུས༌སུ། ང་རང་ཡང་ཐུགས་ལ་འཛིན་པར་མཁྱེན་ཞེས་ཞུས་སོ།།

སྐྱབས་མགོན་ཡེ་ཤུས་གསུང་སྐད་ཆེན༌པོས། ཀྱེ། ཡབ་ལགས། ངས་རང་གི་རྣམ་ཤེས་ཁྱེད་ཀྱི་ཕྱག་ཏུ་བཅོལ་བ་ཡིན་ཞེས་གསུངས་པ་དང་སྐུ་དབུགས་ཆད་པར་གྱུར་ཏོ།།

མགོ་སྐོགས་གནས་ཟེར་བའི་ས་ཆར་སླེབས་པ༌དང༌། སྐྱབས་མགོན་ཡེ་ཤུ་ཤིང་རྒྱ་གྲམ་གྱི་སྟེང་དུ་བརྡབས་པ་དང་། མི་ཉེས་ཅན་དེ་གཉིས་ཀའང་ཁོང་གི་གཡས་གཡོན་དུ་དེ་ལྟར་ཤིང་རྒྱ་གྲམ་གྱི་སྟེང་དུ་བརྡབས་སོ།།

ཉིན་གུང་གི་སྐབས༌སུ། ཡུལ་དེ་ཡོངས་སུ་ཕྱི་དྲོའི་ཆུ་ཚོད་གསུམ་པའི་བར་དུ་མུན་ནག་འཐིབས་ཤིང་། ཉི་མའི་འོད་ཀྱང་བསྒྲིབས་པ༌དང༌། མཆོད་ཁང་གི་ཡོལ་བ་ཆེན་པོ་དེའང་དུམ་བུ་གཉིས་སུ་རལ་བར་གྱུར་ཏོ།།

བརྒྱ་དཔོན་གྱིས་དོན་དེ་ཐམས་ཅད་མཐོང་ནས་དཀོན་མཆོག་ལ་བསྟོད་བསྔགས་བྱེད༌བཞིན། སྐྱེས་བུ་འདི་ནི་དངོས་གནས་མི་རྣམ་དག་ཅིག་ཡིན་ཞེས་སྨྲས་སོ།།