آيات مشهورة من الكتاب المقدس منMãtáyõ 8

شارك

Gõꞌdá Yésũ drí tã-drı̣̃ lôgõzó gólĩyî drí kĩ, “Ãnî ũrı̣̃ ró ãꞌdô tãsĩ yã? Tã lẽlẽ ãníkâ má ꞌá rî cé fínyáwá ĩtí ãꞌdô tãsĩ yã?” Gõꞌdá gólâ drí ngãzó âdrélé ûrû tã ꞌbãlé kạ̃gũmạ́ạ̃ ândrê rĩ ꞌbá sı̣̃lı̣́ gõꞌdá lı̣̃mvû rĩ ꞌbá rû îyálé ꞌdĩ bê ãâdrê ró bê. Gõꞌdá kôrô kạ̃gũmạ́ạ̃ ândrê ãmbá rĩ ꞌbá sı̣̃lı̣́ gõꞌdá lı̣̃mvû gólâ rĩ ꞌbá kõlóngbõ îyálé rî bê drí âdrézó.

Gõꞌdá drı̣̃-ꞌbá ꞌdĩ drí tã-drı̣̃ lôgõzó Yésũ drí kĩ, “ꞌÉꞌẽ ãmbá, ãmbã ámákâ rî îcá kô ánî ꞌbãlé âcálé bũúũ má drí ꞌbã ꞌálâ. Gõꞌdá õzõ ní ãâtâ kó cé tã drı̣́-ãcê áníkâ sĩ rî, má nı̣̃ trá, rû ı̣̂ꞌbũ ꞌbá ámákâ âꞌdô ngãꞌá ngá lãzé ꞌdĩ ꞌásĩ.

Gõꞌdá Yésũ ârî tã drı̣̃-ꞌbá ạ̃jú ꞌbũ ꞌbá kâ ꞌdĩ drí âtálé bê rî, gólâ rî tı̣̂ drí ậꞌdı̣́zó ậꞌdı̣̂. Gõꞌdá drílâ ngãzó tã âtálé õjílã gólĩyî rĩ ꞌbá ꞌdẽlé gólâ vósĩ ꞌdî ꞌbá yî drí kĩ, “Má âtâ ãnî drí, tã pạ̃tı̣́ı̣̃ ró, má ûsú drẽ õjílã ãzâ õrĩ ãmákâ Ĩsĩrãꞌélẽ kâ ꞌásĩ âꞌdó ꞌbá tã lẽlẽ bê rõô õzõ ãgô ãwã nõ kâtí rî kô.

Nĩngá sĩ, Yésũ drí gõzó tã âtálé drı̣̃-ꞌbá ạ̃jú ꞌbũ ꞌbá kâ ꞌdĩ drí kĩ, “Mí nĩ gõlé ꞌbã ꞌálâ pı̣̃pı̣̂sı̣́lı̣́ ạ̃ꞌdı̣́ sĩ, tãlâ tã gólâ ní drí lẽlé rî ꞌê rû trá ní drí tã lẽlẽ áníkâ má ꞌá rî sĩ.” Gõꞌdá kôrô rû ı̣̂ꞌbũ ꞌbá gólâkâ nã drí rû êdézó ngá lãzé íyíkâ ꞌdĩ ꞌásĩ ı̣̃tú-pá ãlô-ãlô ꞌdĩ ꞌá.

Ĩtí rî, lãjóꞌbá Yésũ kâ ꞌdĩ ꞌbá yî ndrê tã gólâ rû ꞌẽ ꞌbá ꞌdĩ bê rî, gólĩyî tı̣̂ drí ậꞌdı̣́zó ndrúndrú. Gõꞌdá drílĩyî ngãzó tã âtálé ĩyî võ ꞌásĩ kĩ, “Ãgô gólâ kạ̃gũmạ́ạ̃ drí tã ꞌbãꞌbã gólâkâ ârízó lı̣̃mvû ãmbá rĩ ꞌbá kõlóngbõ îyálé rî bê nõ íyíkâ ãgô lârâkô ángô rî ĩꞌdî yã?”