آيات مشهورة من الكتاب المقدس منZan 16

شارك

Ne y'o fɔ aw ye janko aw ka to ni ne ye ka hɛrɛ sɔrɔ. K'aw to diɲɛ na, dusukasi le be aw kan, nga aw k'aw jaa gwɛlɛya, ne ye see sɔrɔ diɲɛ kan ka ban.»

Nii Senuman min be Ala ka tiɲɛ yira mɔgɔw la, n'ale nana tuma min na, a ben'a to aw be tiɲɛ bɛɛ lɔn, bari a tena kuma a yɛrɛ barika la. Nga a mana fɛɛn o fɛɛn mɛn, ani koo min bɛɛ bena kɛ, a bena o fɔ aw ye fana.

Fɔɔ ka na se sisan ma, aw ma foyi daali ni ne tɔgɔ ye fɔlɔ. Aw ka daalili kɛ, aw bena sɔrɔli kɛ, janko aw ka nisɔndiya ka dafa.»

Nga ne ye tiɲɛ le fɔ aw ye. Aw kama lo ne be taga, ni ne ma taga, Dɛmɛbaga tena na aw fɛ, nga ni ne tagara, ne ben'a ci aw ma. Ni ale nana tuma min na, a bena hakɛko ni tilenninyako, ani Ala ka kitiko gwɛya diɲɛ mɔgɔw ye, k'a yira u la k'u filila o koo nunu na.

Aw dusu kasinin be sisan fana, nga an bena ɲɔgɔn ye tugu, o tuma na aw bena nisɔndiya, mɔgɔ si te se ka nisɔndiya nin cɛn aw fɛ. O loon yɛrɛ la, aw tena ne ɲininga foyi si la tugu. Tiɲɛ tiɲɛ na, ne b'a fɔ aw ye ko ni aw ye fɛɛn dɔ daali n Faa fɛ ne tɔgɔ la, a bena o di aw ma.

Tiɲɛ tiɲɛ na, ne b'a fɔ aw ye ko, aw bena kasi fɔɔ ka kɛ makaritɔw ye, k'a sɔrɔ diɲɛ mɔgɔw be nisɔndiya la. Aw dusu bena kasi nga, aw ka dusukasi bena yɛlɛma ka kɛ nisɔndiya ye.