آيات مشهورة من الكتاب المقدس منማዢንቲ ማፃኣፔ 17

شارك

ዓብራሜኮ ሌዓ ታዞጲታሚ ታዞጳ ማዔ ዎዶና ናንጊና ናንጋ ጎዳ ዒዛና ካኣማዖ «ታኣኒ ቢያ ባኣዚ ዳንዳዓ ፆኦሲኬ፤ ኔኤኒ ታኣም ዓይሢንቲሢና ቢያ ዎዴ ፒዜ ማዔ ባኣዚ ማዼ፤

ሚርጌ ዴሬኮ ዓዶ ታ ኔና ማሃንዳሢሮ ሃይፓ ሴካ ሱንፃ ኔኤኮ ዓብራሜ ጌይንቲፃ ዓቴም ዓብራሃሜ ማዓንዳኔ።

«ኔኤና ኔኤኮ ዜርፆና፥ ሃሣ ሙካ ሾይንቶና ዎላ ታኣኮ ጫኣቁሞ ታ ናንጊና ዶዲሻንዳኔ፤ ዬያይዲ ኔኤና ኔኤኮ ጊንፃ ሙካ ዜርፆናኮ ታኣኒ ፆኦሲ ማዓንዳኔ።

«ኔኤም ታ ጫኣቃ ጫኣቁማ ሃያኬ፤ ሚርጌ ዴሬኮ ዓዶ ታ ኔና ማሃንዳኔ፤

ፆኦሲያ ዒዛም ማሃዖ፦ «ያዺ ማዓዓኬ፤ ማቻ ሳኣራ ኔኤኮ ዓቲንቄ ናይ ሾዓንዳኔ፤ ሱንፆዋ ዒዛኮ ኔ ዪሳኣቄ ጌይ ጌሣንዳኔ፤ ታኣኮ ጫኣቁሞ ዒዛና ዒዛኮ ዜርፆና ዎላ ናንጊና ታ ዶዲሻንዳኔ፤

ሃሢ ኔ ሾኦቹሞና ናንጋ ሳዔሎ ኔኤና ኔ ዜርፆናም ታ ዒንጋንዳኔ፤ ካኣናኔ ዓጮ ናንጊና ዻካላንዳጉዲ ታ ኔኤኮ ዜርፆም ዒንጋንዳኔ፤ ታኣኒያ ዔያቶኮ ፆኦሲ ማዓንዳኔ።»

ዓብራሃሜ ባሊቶ ሳዖ ሄሊሲ ዚጊ ፆኦሲ ካሽኬኔ፤ ጋዓንቴ «ሌዔ ፄኤታ ማዔ ዓሲ ናይ ሾዓ ባኣዚዳ? ሃሣ ታ ማቾ ሳኣራኮዋ ሌዓ ታዞጲታሚ ማዔሢሮ ሾዓኒ ማይ ዳንዳዓ?» ጌዒ ማሊ ሚኢጫዖ፥

ፆኦሲ ዓብራሃሜም ሂዚ ጌዔኔ፦ «ሃይፓ ሴካ ማቾ ኔኤኮ ሶኦራ ጌዒ ዔኤሊፖ፤ ሃናፓ ዓርቃዖ ዒዞኮ ሱንፆ ሳኣራ ጌዒ ጌሤ።

ዒንሢኮዋ ዓቲንቶ ቤርቶ ቲቁዋቴ፤ ዬይ ታኣና ዒንሢናኮ ሳዛ ዓኣ ጫኣቁሞኮ ማላቶኬ፤

ጋዓንቴ ሙካ ሌዓ ሃይማ ዎዶና ሳኣራ ኔኤም ሾዓንዳ ናዓሢ፥ ዪሳኣቄና ዎላ ታኣኮ ጫኣቁሞ ታ ዶዲሻንዳኔ» ጌዔኔ።

ሙካ ሾይንቶይዳ ዓቲንቄ ናይኮ ቢያ ሾይንቴስካፓ ሳላሳ ኬሎና ዓቲንቶ ቤርታ ቲቂንቶንጎ፤ ዬያጉዲ ማኣራ ዒንሢኮ ሾይንቴሢንታ ዙላፓ ሚኢሼና ሻንቂንቲ ሙኬ ካራማኣ ዓቱዋዖ ቲቂንቶንጎ። «ታኣኮ ጫኣቁማ ናንጊና ዒንሢና ናንጋያ ማዓሢ ዔርዛኒ ዓሽኮይዳ ማላታ ማዓንዳጉዲ ፔቴ ፔቴ ዓቲንቃ ዓቲንቶ ቤርቶ ቲቂንቶንጎ።