آيات مشهورة من الكتاب المقدس منNoo-deh:⧾ 2

شارك

'De :Piteh' 'da, A-a' klehkpeh, a 'tali: a-a' deh⧾-zon⧾ dih, a 'ye 'de Nyorsoa bo 'bili:, 'de a 'ye 'ni 'dlu :po, 'de :Yusu' 'Klae-a' 'nyne 'di. :Yee' Nyorsoa-a mu a-a' deh⧾-zon⧾-a' dhih bo 'ma-dih:, 'de or 'ye a Gban 'i :ne :Zulu 'nyi.

:Yee' nyor⧾ :dao', on 'duo: an-a' ti-a' klehkpeh-', 'de an 'chean' :Yusu'-a'a: dboo-nyor⧾-a' deh⧾, 'de on :ne on 'bei'-a na-dih :dha :due'. An di-dih deh :dha :due', 'de an di-dih :Gwlor :baa'-a' gban 'i :ne-dii-deh :dha :due' :ke, an wlu 'de Nyorsoa bo.

:Yee' an-a' klehkpeh :on :ne-a 'o, on 'yi-dih: Gban 'i :ne :Zulu-: dih, 'de on 'kpa 'o wlu⧾ 'doror: 'dor :po 'da, :ka Gban 'i :ne :Zulu no-a an-a' 'kpih 'nyi-eh on 'ye-a' :wlu-a' no.

:Yeh an pobo-a 'o, :yee' an 'worn :dhlumeh' :eh 'wluh 'de Nyorsoa 'bli yai', :eh gweh-a :ka :pobor' :dhulu'-a yi-a 'de, 'de eh gweh 'de 'gbu-a' klehkpeh on :dhe-a 'di dih 'dlu. :Yee' on 'ye deh⧾ :en gweh-a neh-a' :meo, me-: :gble-eh, :en :dhe 'o an-a' :due' :due' 'dlu dih. :Yee' an-a' klehkpeh :on :ne-a 'o, on 'yi-dih: Gban 'i :ne :Zulu-: dih, 'de on 'kpa 'o wlu⧾ 'doror: 'dor :po 'da, :ka Gban 'i :ne :Zulu no-a an-a' 'kpih 'nyi-eh on 'ye-a' :wlu-a' no.

:Yee' an 'gbon-dih :dha :due' 'do ti-a' klehkpeh bo, 'do Nyorsoa-a' 'sla ybei'. 'De on 'bli 'gbu⧾ 'di dih, 'do :wor an di-dih :Gwlor :baa'-a' gban 'i :ne-dii-deh :dha :due', 'de an kpuhba son⧾ ybei', 'de :porluh⧾-a' 'worn :nmor ka 'di-: 'dekorn: 'de :porluh⧾-a' dih 'pehn ka 'di-:, 'de an po Nyorsoa-a' 'nyne ya. Nyor⧾-a' klehkpeh :on :ne-a :Julu'slehn, an 'ye-uh' deh. :Yee' zorn 'o zorn nyor⧾ :on 'puh-a, 'ka-: :Gwlor :baa'-a po 'o on ken nyor⧾ :noo'.

Nyorsoa 'dae:, 'An mu 'an :Zulu 'do nyor⧾-a' klehkpeh ken :po, 'do :de 'bor-dih-we 'di. A-a'a: nyor⧾-kpalu⧾-nynuu-: 'dekorn: 'nynor⧾-kpao'⧾-nynuu-: an mu 'an wele-eh :po. A-a'a: nyor⧾-kpalu⧾-nynuu: :gbolo'⧾-a' 'yli-eh mu deh 'i 'kpa-:. 'De mor :mor a-a'a: nyor⧾ :bholuh⧾ 'kpa 'nyinor-', an-a' 'dlu⧾-a mu deh⧾ 'ye-:.

:Yee' nyor⧾-a' klehkpeh :on po-a :Yusu'-a' dhih dhih 'jeh-', an nena bo, 'de an kpuhba deh⧾ dih. 'De mor :mor on plo an-a'a: 'bluhba⧾-: 'dekorn: an-a'a: :kororn-deh⧾-: :yee' an po 'wlii: en 'ye-a :dha :due'. :Yee' ti an-a' nyor-a' son :gweh-a, :yee' an 'nyi en-' 'wlii: :nee' or 'weh.

'De mor nyor⧾-a' klehkpeh :on 'da-a :Gwlor :baa'-a' 'nyne, or 'ye-a' 'puh-dih:, or mu-uh 'puh-dih:.

:Yee' 'yluh :se-' :fan i deh 'jeh, 'de 'chuh 'yli 'de 'ye 'zoo :ne, :eh gweh-a nyomor 'i, 'de jorwor: :Gwlor :baa'-a' dhih-a' 'i 'beh-we-eh: 'kawehn:, or mu-a 'de :ya, 'de eh 'ye 'o nyni.