آيات مشهورة من الكتاب المقدس منKANTHOUNA 17

شارك

Heirou Abram'ne kum somkole tako hungtlungeinung UMPUne anungei muyerbini loushunpi, “Keiri Mane-Mantrangei Pu Dunpu, Keiyei maibongra tharmu chimni chabi lhou toulak.

Heirou neiyei minri Abram toubine ungmakarou, heiya Abraham toubine ungrouwa; ngamri Keine neiyari lim nammaei pa hoiyerwurla.

Heirou Keiyei tloukantom awari nangle Kasiyei tlakrakhi heirou neihillei hungrou kyou neiyei yu-cha rapbei chaanrou ramphani kmit naimakni leirouwa; heirou Keiri neiyeikhi heirou neiyei yu-cha rapbeikhi Dunpu hoirouwa.

“Thilak, Keine neinungei Keiyei tloukantom khat khoupiwurla; heineri nangri lim namyerrei pa khat hoirouwa.

Heirou Dunpune shun, “Neiyei nu Sarah'ne neinungei shuimakni chanapawa khat pukkeirouhui; heitoubi nangni aiyei min Isaac toubi ungrou; heirou Keine anungei klui naimakni tlou kantom khat khoupirou; heini aihillei yu-cha rapnungeikhi hoiyerrou.

Heitoubi Keine neinungeikhi heirou neihillei hungrou kyou yu-cha rapnungeikhi, heirou neiyei yenchaheina Canaan'yei ram namma heiya nanungei klui naimakni paalnaram hoinanungei pirouwa; heitoubi Keiri neiyei Dunpu hoirouwa.”

Heirouri Abraham'ne sikhuplhakbi, aiyei ukningra laoniwurbi aitamtom ningchakur, “Kum macha khat ka'tlungkur tarawa anungeiya chanapawa khat pukkeirouko? Heirou kum somko ka'tlungkur Sarah'neya cha pomheirouko?”

Heirou Dunpune Abraham'nung shun, “Heirou nangni neiyei nu Saraiya aiyei minri Sarai toubi ungmarou, heiya Sarah'tou heini aiyei min hoirouwa.

Heirou murdan heiri naiyei sermurrei unya danrou da; heirou murdan heini Keile, naiyei tlakra khourilkur tlou kantomrilnei hutlha hoirou.

Heiya ningkumma asilumnung Sarah'ne neinungei pukrou kyou chanapawa Isaac'nungei Keiyei tlou kantomya Keine khoupiwurla.”

Heirou neiyei shullamrei pukkurya hoiyanungkhi, nimanung miramrei tuyni lobi khou thimine pukkurya hoiyanungkhi, chanapawa kantangri tlaini chotni tlunganungri, aya sermur danpirou da. Heineri neiyei shullamrei pukkur chanapawa, heirou miram-mithrilrei tuyni lokur thimi rapne pukkur chanapawa hoiyanungkhi, ayari sermur un danpirou da. Heisitoubi naiyei chanapawa rapbei sermur un dinkur heini Keiyei tloukantom heiri naidoura klui naimakni leiyerrouwa.