“Aro nali konam an-hum man, la-amun neng-sik hel badike amahang ingtingsu ke do yek; piyok pu tene analike an-humdo pusi arlengyok kapaklang aphan mahang pangtingsu man. Ne naliyok khanangsi thando, anali kihlong nange banta hlong tango. Manta nang an kihum amun, arleng angot an-kihum paklangkle si, mahang chi-arsi kido Apa angot nang an kihum chipaklang, la-anat nang phu jangthu chihel, aro mahang ta chirmunot; la-amun mahang chi-arsi theksi kido nang Apa nangyok kime angban nangpiye.