آيات مشهورة من الكتاب المقدس منChivkeeb 15

شارك

Anplas thiaj cia siab ntsoov rau tus TSWV tej lus, vim nws muaj kev cia siab, tus TSWV thiaj txaus siab heev rau nws thiab suav hais tias nws yog ib tug neeg ncaj ncees.

Tom qab ntawd, Anplas ua yogtoog thiab hnov tus TSWV hais rau nws tias, “Anplas, koj tsis txhob ntshai. Kuv yuav ua daim hlau thaiv koj thiab kuv yuav muab tej nqi zog uas zoo heev rau koj.”

Vajtswv coj Anplas tawm mus rau nraum zoov thiab hais rau nws tias, “Koj tsa qhovmuag saib saum ntuj thiab suav cov hnubqub saud saib koj suav puas txheeb, koj yuav muaj xeebntxwv coob npaum li tej hnubqub ntawd ntag.”

Ces dhau ntawd los nws rov qab hnov tus TSWV hais rau nws ib zaug ntxiv tias: “Tus tubqhe Eli-exes yuav tsis tau ua tus tuav koj tej qubtxeeg qubteg, koj tus tub uas koj yug thiaj yog tus uas yuav tuav koj tej qubtxeeg qubteg.”

Tus TSWV hais rau nws tias, “Koj tej xeebntxwv yuav mus nrog cov neeg txawv tebchaws nyob, lawv yuav mus ua luag qhev nyob lub tebchaws ntawd thiab yuav raug kev quab yuam tsimtxom mus txog plaub puas xyoo.

Tiamsis Anplas teb hais tias, “Tus TSWV uas kav ib puas tsav yam, kuv yeej ibtxwm tsis muaj tub, koj yuav muab nqi zog rau kuv ua dabtsi? Tus uas yuav tuav kuv tej qubtxeeg qubteg, ces yog Eli-exes uas yog neeg Damaxes nkaus xwb.

Hnub ntawd tus TSWV txawm coglus tseg rau Anplas hais tias, “Kuv yuav muab tagnrho lub tebchaws no pub rau koj cov xeebntxwv, txij ntua ntawm Iziv tus ciamteb los mus txog ntua rau ntawm tus Dej Efalates

Tom qab uas dhau plaub tiam neeg lawm, koj cov xeebntxwv yuav tau rov qab los rau ntawm no, rau qhov kuv yuav tsis ntiab cov neeg Amaules tawm mus txog thaum lawv ua kev phem kev qias uas txaus kuv rau txim rau lawv tso.”