آيات مشهورة من الكتاب المقدس منMatayo 15

شارك

Alīyo īsho shikafumaga mu nomo, shikīngaga mu ngholó. Ī shenīsho h'īsho shikansosohajaga ū munhū! Nguno īsho shikafumaga mu ngholó, shilī maganiko mabi, būbūlagi, būshihani, būjingi, wibi, būlomolomo na būdalahi.

Gīkī, īsho shikingīlaga mu nomo go ng'wa munhū shitansosohajaga, alīyo īsho shikafumaga mu nomo gokwe h'īsho shikansosohajaga.”

‘A banhū aba banikūgije bo ha nomo dūhū, alīyo ū mu ngholó balī kūle nū nene. Bakanilamyaga dalali, alīyo kūnū būlanga malange ga kūlagīlwa na banhū.’ ”

A henaho ū Yesu ūng'wīla ū nkīma ng'wenūyo gīkī, “Bebe mayū, ūlī na kūsanya kūtaale. N'ībizage gīt'ūmo nghūmbū jako jilī.” Nghana ū nshīke wakwe ūpīla ī likanza lyenīlo.

Ū nkīma ūng'wegeela wiza ūntugīja mazwi, ūng'wikūmbīlīja ūhaya, “Nigunaanage baba!” Nanghwe ū Yesu ūnshokeja alīng'wīla gīkī, “Ītī chiza ū kūsola shilīwa sha baana ūshiponegeja tūwa.” Ū nkīma ng'wenūyo ūhaya, “Na nghana gūlī chene baba, alīyo nahene nū tūwa nato tūkasolelejaga a malagalīkwa ayo gakalagalaga ūlū balīlya a beneto.”