آيات مشهورة من الكتاب المقدس منMatayo 13

شارك

Alīyo ī mbīyū ījo jikagwīla mu sī yawiza, ū ng'wene h'ūyo akagwigwaga ū mhayo wagwitegeleja, watwaja matwajo: hamo igana, ūngī makūmi atandatū, ūngī makūmi adatū.”

Hama ī mbīyū ījo jikagwīla mu minghwa, ū ng'wene alī ūyo akagwigwaga ū mhayo, kwike gwashitelejiwa na myatīla ya būlī lūshikū, na būlemba-lembi bo sabo; gwagaiwa a matwajo!

Būlī munhū ūlū ūgwigwa ū mhayo gwa būtemi bo ng'wa Mulungu alīyo ūleka ū kūgwitegeleja, akizaga ū Mi ogūpula ū mu ngholó yakwe ūmo gūkahambagwa; ū ng'wenūyo alī gīt'ūmo jilī ī mbīyū ījo jikagwīla mu nzīla.

Alīyo ī mbīyū ījo jikagwīla mu sī ya mawe-mawe, ū ng'wene al'ūyo akagwigwaga ū mhayo wagwanukūla wangū-wangū na būyegi. Kwike gwikala gūtī na miji ū mulī we. Gūkangunaanaga ikanza iguhī dūhū, alīyo ūlū gilonga makoye nūūlū būluhi kūlwa nguno yago ū mhayo, haho na haho akagwaga.

“Ū būtemi bo ng'wigūlū būbizile gītī sabo, īyo yalī yifumbīkile ng'wilaale līmò, wahayībona munhū nebe ongeja ū kwībisa. Hūna kūlwa būyegi bokwe, ūja ūūkajinja pyī ī shikolo īsho walī nasho, ūūkalīgūla ī lilaale lyenīlo.

Alīyo jingī jikagwīla mu sī yawiza jūtwaja matwajo: jimò igana, jingī makūmi atandatū, na jingī makūmi adatū.

Jilekagi jikūlanīje dūhū, līkūshika ī likanza lya kūgesa; ū ng'wikanza lyenīlo hū nakūbawīla a bagesi gīkī: Jikumingagi tame ī pūngū mujitunge maganda-maganda mujipembe mu moto. Ū būsīga būgolanyagi chiza mubūtūūle ng'wiluuli lyane.’ ”