آيات مشهورة من الكتاب المقدس منMpiin 17

شارك

Buyoonn Abram nan ti saa ŋibin imonko inaa ni kipiik ni ŋiwae na, le Uwumbɔr nan dan u chee ki nan bui u ke, “Min le ye Uwumbɔr Mpɔɔnsakpiindaan. Tii mi naadii, ki li ŋani ni ŋan na n‑yoonn mɔmɔk.

Baan ki li yin si ke Abram, bi ga li gur yin si ke Abraham la, ba pu? m ban m ŋa si ŋitimbol pam aate la.

“Maah puu pu tii si na, m ga li joo tipuur ngbaan ki tii si, ni aayaabitiib bimɔk ga paan ni aa pu na, aan ti li ye tipuur ti kaa kpa ndoon na. M ga li ye Saawumbɔr, ni aayaabitiib Aawumbɔr.

“M puu tipuur tii si ke aa ga li ye ŋitimbol pam aate.

Le Uwumbɔr nan bui u ke, “Ayii. Aapuu Sara le ga maa ubijabo tii si, le aa ga yin u ke Aisak. M ga cha tipuur ngbaan li bi m ni uma ni uyaabitiib mu aakaasisik ni, ki joo cha n‑yoonn mu kaa kpa ndoon na. Ti ye tipuur ti ga li bi cha, kaa kpa ndoon na la.

M ga di kitiŋ ki aa ye uwɔwɔnja ki pu na tii si ni aayaabitiib. Kanaann aatiŋ kee mɔmɔk ga li ye aa ni aayaabitiib yaan, le ki cha n‑yoonn mu kaa kpa ndoon na, le m ga li ye Baawumbɔr.”

Abraham nan gbaan Uwumbɔr aanimbiin ni, le unimbil kpaa kitiŋ, tɔ, u nan piin ki laa usui ni, ki dakl ke, “Uja yaa ti saa ŋibin nkub kan, u ga ŋmaa maa ubo oo? Sara aah ti saa ŋibin imonko inaa ni kipiik na, u ga ŋmaa maa ubo oo?”

Uwumbɔr nan ki bui Abraham ke, “Aa taa ki yin aapuu ke Sarai, n‑yoonn mue ki joo cha, aa li gur yin u ke Sara.

N‑yoonn mue ki joo cha, ni yaa ma ubijabo u ti saa iwiin iniin daal kan, see ni gii uchakpaln, ki mu gii nimi aanaagbiib, ni baabijabim, ni naah daa binib bi na mɔmɔk aachakpan. Nimina le ga mɔk ke tipuur bi tikaasisik ni.

Tɔ, m ga cha maah puu tipuur na li bi aajapɔɔn Aisak, u Sara ga nan maa u libiln li choo na pu la, kinakokoona aayoonn le u ga nan maa.”

N‑yoonn mue ki joo cha, ni yaa ma ubijabo u ti saa iwiin iniin daal kan, see ni gii uchakpaln, ki mu gii nimi aanaagbiib, ni baabijabim, ni naah daa binib bi na mɔmɔk aachakpan. Nimina le ga mɔk ke tipuur bi tikaasisik ni. See ni mɔmɔk gii ŋichakpan, aan ni li ye limɔkl ke maah puu tipuur ti tii si na aa kpa ndoon.