آيات مشهورة من الكتاب المقدس منSan Mateo 18

شارك

Mag jewaagta numí wa thãrjup khãijã ãba biirdʉnaa mʉrʉg jeeu nʉmʉn mʉʉn maig chirʉmgui ajim, am jãrr.

Mag iekhamamua, —Mua pãrag mag chirʉmgui ajim: Mʉig eegar õor numí amachdeu nem ig nʉm mʉrʉg jewaag ãba ibepwia jeeumʉn, mʉ Aai ʉ̃gthar chirʉmua amag deeb khaba deeju.

Magbaawai Jesuu chaaidamta thʉ̃rnaa maar jãrr dʉnʉʉupinaa magjim: —Mʉ cha iekha chirʉm iekhau pãrau pãachta ʉ̃rʉʉcha am khõchgau pãachdeu mag khĩirju nʉm isegnaa chaain mʉgʉmdam agtha serbiibamjoo abam chan, pãar pod mʉ dʉi chi pornaan khaju khaba nʉm.

Mag mʉchta chi Porkha chirsim ed mʉ garcha joothʉimaju khĩirju nʉm khʉʉnan warag amachta serbiibamjonaa chaain mʉgʉmdamjota aju aai nʉmgui ajim, mag amachta ʉ̃rʉʉcha ajujã khĩirjuba.

Pãrau mʉ denjo mʉg khitheem ãb khãijã jãsenkhawia pãach di aig aumʉn magan pãrau mʉchchata khĩir jãsenkhabarmjo abarmgui ajim, marag iekhamamua.

’Mag mʉig eegar aawai amach jʉ̃g theeg gaaimua pãachdeu nem jaau nʉm ũrba aawai mag pãach dʉi khapeerkhapiba abarmjã ich Ẽwandamau ĩchab pãar igar sĩeju. Maimua deeu ich khaibag isegwi ũwaai pãach ee pãach khapeerkhapi aauwaijã ĩchab Ẽwandamau pãar igar sĩejugui ajim.

Mag nem ĩgkhaadam jaauwi deeu ich Jesuupai magjim: —Mʉ cha iekha chirʉm iekhau pãrauta pãach khapeendam chadcha perdonaawi tag magʉm iekjã igba ich mag khĩir okhoobam chan, mʉ Aai ʉ̃gthar chirʉmuajã ich agjo pãar perdonaabamgui ajim.

Mag warag iekhakhagmamua magjim: —Ãbmua khãijã mʉ chaai mʉg mʉ iek ʉkha kherʉmta pekau ee burrpimʉn, Ẽwandam dʉi iekkhõr poomata sĩsiju. Mag mʉ chaai ãbam gaaimua khãijã warag Ẽwandam dʉita iekkhõr paarpaju khãai, ichdeupai ich o gaai mokpor pom jʉ̃naa phũas ee baudʉkhiin ʉucha ajugui ajim.

Magnaa, Mua pãrag jeeu ookhimgui ajim, jãga sim khai pãrag: Woun ãbmua cien ovejas wai sim. Mag khapan thʉnʉm eem ãb okhoobaadee, ¿irua tagam khʉʉn ãbam aig phepʉawia mag chi okhoo kherʉmta jʉraan mabaju khai? ajim.