آيات مشهورة من الكتاب المقدس منMaka 13

شارك

Ja Nuni eijihuna'e ea mapoka ja niho'o ki'avajaho senahuna. 'Enakaivo ea irara ija kisi 'unama va'e uri 'e'u'amajaho hu marahuna.

Heha! Vea kajaho ja pahena pakavi'ini jihuna'e hina 'ajihi'i ka'avara.

Pu ja 'eke 'otua ve'iro va'avajaho ja va'e uné raka ka'ene 'warahuniji pavwiha'avara. 'Enakaivo ja 'otua ve'iro ve'eje vu'a pina vwiha'avajaho ja pavwihahuna kaivo Godoni 'Aveni vaji'enakúne 'wara'avara.

Akúpa mwe'ijaho pa'arehuna kaivo Nuni Irijaho papa'are'ena.

Vea vecha rehunijaho ea pahena pakavu'e Godoni 'ona oji'inijija pahena pakavu'e Godoni Harihiji 'u'o pahena pakamu kaivo Amora vea kajaho Huhusuma hena kamuna.

Vea ka'ene ja ajira vehuna hene 'ee erapo ajira vehuni pinana 'warava he'avajaho oja pahiana'avara. Ajira rena vu'a ani ani re'ena kaivo mai'o 'urijaho paroa tu'u rehuna.

Nia hami niri'i hi'avara. Ijihuni maijaho sea anesurijara 'unama rohunijaho nusireina ho na'ia ririna ho 'u'ora 'umenujina ho vea nitu'eje rohuna. Vejuro'i ja ne'eje hu roe tatatia ve'ena. Na ja 'waravu ja'ina'e ea mapoka 'u'o 'waravo. Hami nia niri'i hi'avara.

Kwakwa mapokakija mai'o ara'eja 'ee ararakija mai'o ara'eja. Ara kwaa 'aho'a mwevarivura roe 'ee ora vea re'ena. Ike uneunechakija ea hianahuni jihuni aneja.

'Enakúne Godoni vu'a maiu'ina kwaa ara mapokakino naja'avara.

'Ejume Jesu ijá 'iama Ja hami ki'avara. Ea 'ahopo pisimia ve'ejakúne 'ee ea 'ahopo Nuni ihiji 'urahi'i Na Jesuna i'i kaivo ea mapoka pisimihuna.

'Enakaivo ja ojono hami 'ajo'avara. Ijihuni maijaho pu 'eka va'e hirisima puni nini va'e 'ee Sinakoku majikari hijihahuna. Ja Nuni eijihuna'e pu ja kamatia ka'ene 'ajohi'ini jihipuni nini 'eka va'akivi'i raka ka'ene ja kima hejujaho pu najahuna.

Túna'i ea 'ahopo ira'atijino na Kerisona 'iave vu ea 'ahopo ira'atijino na poropeti 'iahuna. Pu ija'ina venareje aacha mapoka veje ea mapoka oja hianava kivi'i pisivie ea mapoka nimaa rohuna. Pu ea ka'ene Hura iji pijihajihija pisivihuna vo areri parehuna.

Sisemaa kajaho pa'are'eje vea na'ive 'ee masapa pahanahuna. China jaheusunahe arihe akúpa puni harurijihija 'unirama usihuna.