<div class="version vid725 iso6393kpj" data-vid="725" data-iso6393="kpj">
 <div class="book bkMAT">
 <div class="chapter ch11" data-usfm="MAT.11">
 <div class="label">11</div><div class="p"> 1Jesuisi heka rexihure a&#245;ma taeryd&#7929;&#7929;na mah&#227;du wa&#242;inatxi bedeeryd&#7929;&#7929;na&#8209;ribi. Kia bede ywina tamyreny riwahinyre. Rexihureu tahe rare r&#242;h&#242;nyre iribi h&#227;w&#227;&#8209;di. A&#245;ma rybe rit&#7929;nyd&#7929;&#7929;my rakremy h&#227;w&#227; h&#227;w&#227;&#8209;&#242;.</div><div class="p"> 2Idi tahe r&#242;tenywokile heka iu Joa&#245; roimyh&#7929;. A&#245;bo Jesuisi tahe iu a&#245;na a&#245;na wiwihik&#7929; ritxienymyh&#7929;reu heka Joa&#245; tamy roholare. R&#242;tenywo&#8209;ki roimyh&#7929;&#8209;ribi. Idi tahe Joa&#245; taeryd&#7929;&#7929;na mah&#227;du rite&#242;nyre Jesuisi&#8209;&#242; d&#7929;&#7929;raximy: 3&#8212;Kohe, anara&#242;denyde tate. A&#245;ma Deuxu de&#242;d&#7929;&#7929;na wahe kanakre a&#245;bo ihewo&#8209;ribi. Arira&#242;renykre a&#245;bo urihimy&#242;. 4Tai Jesuisi riraw&#242;nyre: &#8212;A&#245;ma b&#242;&#242;sebenyke ixybyle Joa&#245;&#8209;&#242;. Belyybenykre ik&#242; a&#245;na a&#245;na wiwihik&#7929; rewinyre arureny&#8209;ki tule tabite wamyreny. 5A&#245;ma iruet&#224;h&#224;k&#7929; heka. Rerued&#7929;&#7929;nymy rare wahe. Itiere tas&#7929; retinyw&#227;h&#227;re dinoduhuk&#7929; ityy reytemyh&#7929;re. A&#245;ma ij&#245; Rybewihik&#7929; T&#7929;myra rohola&#245;hyymyh&#7929;re tas&#7929; tule reijohonad&#7929;&#7929;nyre. A&#245;ma rubu tule rubu&#8209;ribi reixixad&#7929;&#7929;nyre. Rybewihik&#7929; T&#7929;myramy heka ret&#7929;nyd&#7929;&#7929;nyre ibutu iny&#8209;&#242; wahe, iny a&#245;k&#245; mah&#227;du&#8209;&#242; wahe. Tule Joa&#245;&#8209;&#242; marybebenyke kaweselemy wahe. 6Maratyhybenykeki, beysabenyke.</div><div class="p"> 7Iribi r&#242;h&#242;nyreu tahe Jesuisi heka rarybere Joa&#245; beded&#7929;&#7929;nanamy. A&#245;mybo wahe Joa&#245;&#8209;di r&#245;h&#245;tinyrenyre a&#245;my tuu bedi noh&#245;tinyrenyre tamy itxereny bederahy r&#242;irenyreki wahe. Otxirarade wese yhy&#8209;ki tah&#245;tinyteri. 8-9Ada a&#245;ma h&#227;bu urimynodutyhymy a&#245;bo idi r&#245;h&#245;tinyrenyre. A&#245;ma but&#242;re wesemy idi r&#245;h&#245;tinyrenyre. Ada iwitxiramy a&#245;bo idi tah&#245;tinytenyte h&#227;bu tyywihik&#7929;diremy idi rah&#245;tinytenyte. I&#242;l&#242; taheto wihik&#7929;&#8209;ki ratximyh&#7929;re. A&#245;k&#245;re, kia iny heka a&#245; Deuxu rybedu&#245;mybo tah&#245;tinytenyte. Inatyhy tii kia rare. 10Iratyre heka tii rare. A&#245;ma dori Tyyriti&#8209;ki rarybemyh&#7929;re:</div><div class="q1">&#8212;Tii heka wako&#8209;ki kadehemynykremy ratximyh&#7929;re, wamy relyykemy, wary riywinymyh&#7929;re.</div><div class="m"> 11-14Inatyhy heka rare. Tii heka ibutu h&#227;bu ratyre ratximyh&#7929;re. Ih&#227;rele tahe heka Deuxu I&#242;l&#242;na&#8209;ki heka ij&#245; iny iratyre ratximyh&#7929;re. H&#227;bu binahak&#7929; heka Deuxu I&#242;l&#242;na&#8209;&#242; raa&#245;binanymyh&#7929;re. Joa&#245; rexidelenyre rybe it&#7929;nyd&#7929;&#7929;my rexidelenyreuhyyle heka ritelemy ralore. Tule wiji nal&#242;myh&#7929;de s&#245;wemy. Iu Joa&#245; rehemynyk&#245;le heka tuu rarybemyh&#7929;re ibutu Deuxu rybedu mah&#227;du heka tuu rarybemy raremyh&#7929;. Tule Moisesi bede ywina kia rarybere. Tii Eliasi wesele ih&#7929;re. Tetyhynytenyte a&#245;bo. Iwese Deuxu rarybereri wesemy heka tii nade. 15Iny&#245; ierysymy rurukeki, roholake wiji. A&#245;mybo ararybekre kainymy tiwesebo r&#7929;imyh&#7929;remy. 16Tiiboho heka iwese weryry uladu risinymyh&#7929;re wesemy ih&#7929;renyre. Kiamy heka tiinamah&#227;du&#8209;&#242; rarybemyh&#7929;re: 17&#8212;Jiar&#7929;boho heka a&#245;ma wiunawihik&#7929;&#8209;di rawinymyh&#7929;renyre. Idi tahe teysateny&#245;hyym&#227;h&#227;tenyte. Tahe wiuna bederarysyna&#8209;di heka rawiunymyh&#7929;renyre. Ta bedewo&#245;hyymah&#227;tenyteri. 18Joa&#245; Sebed&#7929;&#7929;du heka riroxi&#245;re. V&#297;&#297;my ri&#245;&#245;re. Inywesereny tai tarybetenyte: &#8212;Tii raitx&#7929;temy ih&#7929;re. Tyytybybina&#8209;di ih&#7929;re. 19&#8212;Jiar&#7929; Deuxu Ri&#242;re heka rehemynyre H&#227;butyhyhyk&#7929; wahe. Jiar&#7929; reroximyh&#7929;re. Re&#245;myh&#7929;re tahe kiaboho heka waluu a&#245;k&#245; heka toite. Urile heka wamy tarybemyh&#7929;tenyte wabyre nihik&#7929;remy wabemomoh&#245;k&#7929;remy. A&#245;ma &#242;rarudu kia liinatyhy heka jiar&#7929; rare. A&#245; ik&#245;k&#245;lemy heka taraykynymyh&#7929;tenyte ih&#227;rele taheka &#242;bitilemy ixi&#8209;di tanoh&#245;timyh&#7929;tenyte.</div><div class="p"> 20Jesuisi heka s&#245;wemy a&#245;wiwihik&#7929;my riwinymy raremy. Ih&#227;rele heka imah&#227;du rityhyny&#245;hyymyh&#7929;re heka. Kia Jesuisi heka rarybere kia h&#227;w&#227; mah&#227;dumy. 21-22Orasi h&#227;w&#227; a&#245; heka adee binatyhymy kanakre amah&#227;du&#8209;&#242; wahe. Besaida h&#227;w&#227; mah&#227;du, kaiboho a&#245;na a&#245;na wiwihik&#7929;my tabitenyte ah&#227;w&#227;reny&#8209;ki. Tiu heka ixi&#8209;txi &#245;h&#245;tireny rea&#245;hykymyh&#7929;re. Jiar&#7929; a&#245;ma Tiro h&#227;w&#227;&#8209;ki Sid&#245; h&#227;w&#227;&#8209;ki a&#245;na a&#245;na wiwihik&#7929; ariwinyre wana inihe heka ixi&#8209;txi t&#245;h&#245;tireny reare iniheka saumy tyky rexityynyre tule brybysi ixityrereny heka rexihumy. Sid&#245; h&#227;w&#227; Tiro h&#227;w&#227; heka urihimy&#242; adeereny isirakre. 23-24Kafana&#245; h&#227;w&#227; mah&#227;du! Kaiboho heka tule ixitxireny &#245;h&#245;tireny rea&#245;hykyre. A&#245;ma kaiboho heka awireny ixidireny taho&#245;tinymah&#227;tenyte, awityhyremy. Kaiboho heka &#242;h&#242;tenamy bekoabenykre bedebina he&#242;tyhyk&#7929;&#8209;&#242; dori besebenykre. S&#245;wemy dori a&#245;wiwihik&#7929;my kaiboho tabitenyte. Deysana wiwihik&#7929;&#8209;di wahe. Tiu heka ixi&#8209;txi &#245;h&#245;tireny rea&#245;hykymy a&#242;rarureny&#8209;txi. A&#245; wiwihik&#7929; Sodoma h&#227;w&#227;&#8209;ki rewinyre wana wahe. Tiu heka rabina&#245;hyyre inihe heka wiji&#8209;&#242;. A&#245;k&#245; bot&#7929;&#7929;benykre a&#245;ma Sodoma h&#227;w&#227; ratyre heka a&#245;h&#245;k&#7929;my bot&#7929;&#7929;nybenykre, Deuxu ywisid&#7929;&#7929;natxu.</div><div class="p"> 25Tahe Jesuisi rexit&#242;enyre Deuxu&#8209;&#242;: &#8212;Waha, biu bede&#8209;wana iwedu atximah&#227;te. Kai uladu&#8209;&#242; a&#245;na a&#245;na tet&#7929;nynyte. Tew&#242;mah&#227;te heka kia ibedeeryhyk&#7929; lau heka tew&#242;mah&#227;te. Kai ixi&#8209;di bedeeryhyk&#7929;my r&#245;h&#245;tinymyh&#7929;re lau wahe. 26Tii heka adeewinare. 27Ibutumy heka Waha wadee riwahinyre tii heka riwaeryre. Jiar&#7929; tule tii reeryre. A&#245;ma ixidee wikeki inydee arite&#242;sinyke. Timybo Waha rare. 28Elehyd&#7929;&#7929;my buruke a&#245;bo? Manake wadee. Jiar&#7929; heka araelehynykre. 29Wal&#242;tityreherina ixidee bitidibenyke. Tai tahe wawana maa&#245;mys&#7929;d&#7929;&#7929;benyke. Arabederynykre heka ywina&#8209;di. Aritidi&#245;tyhy heka a&#245; utxiehek&#7929; atyrereny. Elehyna adeereny ariwahinykre awo araykyreny&#8209;&#242;. 30Aa&#245;mys&#7929;d&#7929;&#7929;na adeereny rewahinymyh&#7929;re isira&#245;re heka. Iutxiemy a&#245;k&#245; rare.</div>
 </div>
 </div>
</div>

Jesuisi heka rexihure aõma taerydỹỹna mahãdu waòinatxi bedeerydỹỹna‑ribi. Kia bede ywina tamyreny riwahinyre. Rexihureu tahe rare ròhònyre iribi hãwã‑di. Aõma rybe ritỹnydỹỹmy rakremy hãwã hãwã‑ò.
Idi tahe ròtenywokile heka iu Joaõ roimyhỹ. Aõbo Jesuisi tahe iu aõna aõna wiwihikỹ ritxienymyhỹreu heka Joaõ tamy roholare. Ròtenywo‑ki roimyhỹ‑ribi. Idi tahe Joaõ taerydỹỹna mahãdu riteònyre Jesuisi‑ò dỹỹraximy: —Kohe, anaraòdenyde tate. Aõma Deuxu deòdỹỹna wahe kanakre aõbo ihewo‑ribi. Ariraòrenykre aõbo urihimyò. Tai Jesuisi rirawònyre: —Aõma bòòsebenyke ixybyle Joaõ‑ò. Belyybenykre ikò aõna aõna wiwihikỹ rewinyre arureny‑ki tule tabite wamyreny. Aõma iruetàhàkỹ heka. Reruedỹỹnymy rare wahe. Itiere tasỹ retinywãhãre dinoduhukỹ ityy reytemyhỹre. Aõma ijõ Rybewihikỹ Tỹmyra roholaõhyymyhỹre tasỹ tule reijohonadỹỹnyre. Aõma rubu tule rubu‑ribi reixixadỹỹnyre. Rybewihikỹ Tỹmyramy heka retỹnydỹỹnyre ibutu iny‑ò wahe, iny aõkõ mahãdu‑ò wahe. Tule Joaõ‑ò marybebenyke kaweselemy wahe. Maratyhybenykeki, beysabenyke.
Iribi ròhònyreu tahe Jesuisi heka rarybere Joaõ bededỹỹnanamy. Aõmybo wahe Joaõ‑di rõhõtinyrenyre aõmy tuu bedi nohõtinyrenyre tamy itxereny bederahy ròirenyreki wahe. Otxirarade wese yhy‑ki tahõtinyteri. Ada aõma hãbu urimynodutyhymy aõbo idi rõhõtinyrenyre. Aõma butòre wesemy idi rõhõtinyrenyre. Ada iwitxiramy aõbo idi tahõtinytenyte hãbu tyywihikỹdiremy idi rahõtinytenyte. Iòlò taheto wihikỹ‑ki ratximyhỹre. Aõkõre, kia iny heka aõ Deuxu rybeduõmybo tahõtinytenyte. Inatyhy tii kia rare. Iratyre heka tii rare. Aõma dori Tyyriti‑ki rarybemyhỹre:
—Tii heka wako‑ki kadehemynykremy ratximyhỹre, wamy relyykemy, wary riywinymyhỹre.
Inatyhy heka rare. Tii heka ibutu hãbu ratyre ratximyhỹre. Ihãrele tahe heka Deuxu Iòlòna‑ki heka ijõ iny iratyre ratximyhỹre. Hãbu binahakỹ heka Deuxu Iòlòna‑ò raaõbinanymyhỹre. Joaõ rexidelenyre rybe itỹnydỹỹmy rexidelenyreuhyyle heka ritelemy ralore. Tule wiji nalòmyhỹde sõwemy. Iu Joaõ rehemynykõle heka tuu rarybemyhỹre ibutu Deuxu rybedu mahãdu heka tuu rarybemy raremyhỹ. Tule Moisesi bede ywina kia rarybere. Tii Eliasi wesele ihỹre. Tetyhynytenyte aõbo. Iwese Deuxu rarybereri wesemy heka tii nade. Inyõ ierysymy rurukeki, roholake wiji. Aõmybo ararybekre kainymy tiwesebo rỹimyhỹremy. Tiiboho heka iwese weryry uladu risinymyhỹre wesemy ihỹrenyre. Kiamy heka tiinamahãdu‑ò rarybemyhỹre: —Jiarỹboho heka aõma wiunawihikỹ‑di rawinymyhỹrenyre. Idi tahe teysatenyõhyymãhãtenyte. Tahe wiuna bederarysyna‑di heka rawiunymyhỹrenyre. Ta bedewoõhyymahãtenyteri. Joaõ Sebedỹỹdu heka riroxiõre. Vĩĩmy riõõre. Inywesereny tai tarybetenyte: —Tii raitxỹtemy ihỹre. Tyytybybina‑di ihỹre. —Jiarỹ Deuxu Riòre heka rehemynyre Hãbutyhyhykỹ wahe. Jiarỹ reroximyhỹre. Reõmyhỹre tahe kiaboho heka waluu aõkõ heka toite. Urile heka wamy tarybemyhỹtenyte wabyre nihikỹremy wabemomohõkỹremy. Aõma òrarudu kia liinatyhy heka jiarỹ rare. Aõ ikõkõlemy heka taraykynymyhỹtenyte ihãrele taheka òbitilemy ixi‑di tanohõtimyhỹtenyte.
Jesuisi heka sõwemy aõwiwihikỹmy riwinymy raremy. Ihãrele heka imahãdu rityhynyõhyymyhỹre heka. Kia Jesuisi heka rarybere kia hãwã mahãdumy. Orasi hãwã aõ heka adee binatyhymy kanakre amahãdu‑ò wahe. Besaida hãwã mahãdu, kaiboho aõna aõna wiwihikỹmy tabitenyte ahãwãreny‑ki. Tiu heka ixi‑txi õhõtireny reaõhykymyhỹre. Jiarỹ aõma Tiro hãwã‑ki Sidõ hãwã‑ki aõna aõna wiwihikỹ ariwinyre wana inihe heka ixi‑txi tõhõtireny reare iniheka saumy tyky rexityynyre tule brybysi ixityrereny heka rexihumy. Sidõ hãwã Tiro hãwã heka urihimyò adeereny isirakre. Kafanaõ hãwã mahãdu! Kaiboho heka tule ixitxireny õhõtireny reaõhykyre. Aõma kaiboho heka awireny ixidireny tahoõtinymahãtenyte, awityhyremy. Kaiboho heka òhòtenamy bekoabenykre bedebina heòtyhykỹ‑ò dori besebenykre. Sõwemy dori aõwiwihikỹmy kaiboho tabitenyte. Deysana wiwihikỹ‑di wahe. Tiu heka ixi‑txi õhõtireny reaõhykymy aòrarureny‑txi. Aõ wiwihikỹ Sodoma hãwã‑ki rewinyre wana wahe. Tiu heka rabinaõhyyre inihe heka wiji‑ò. Aõkõ botỹỹbenykre aõma Sodoma hãwã ratyre heka aõhõkỹmy botỹỹnybenykre, Deuxu ywisidỹỹnatxu.
Tahe Jesuisi rexitòenyre Deuxu‑ò: —Waha, biu bede‑wana iwedu atximahãte. Kai uladu‑ò aõna aõna tetỹnynyte. Tewòmahãte heka kia ibedeeryhykỹ lau heka tewòmahãte. Kai ixi‑di bedeeryhykỹmy rõhõtinymyhỹre lau wahe. Tii heka adeewinare. Ibutumy heka Waha wadee riwahinyre tii heka riwaeryre. Jiarỹ tule tii reeryre. Aõma ixidee wikeki inydee ariteòsinyke. Timybo Waha rare. Elehydỹỹmy buruke aõbo? Manake wadee. Jiarỹ heka araelehynykre. Walòtityreherina ixidee bitidibenyke. Tai tahe wawana maaõmysỹdỹỹbenyke. Arabederynykre heka ywina‑di. Aritidiõtyhy heka aõ utxiehekỹ atyrereny. Elehyna adeereny ariwahinykre awo araykyreny‑ò. Aaõmysỹdỹỹna adeereny rewahinymyhỹre isiraõre heka. Iutxiemy aõkõ rare.

استمع إلى Mateu 11