Chiquitano - 2002 Edition (NT)

<div class="version vid362 iso6393cax" data-vid="362" data-iso6393="cax">
 <div class="book bkLUK">
 <div class="chapter ch16" data-usfm="LUK.16">
 <div class="label">16</div><div class="s">Machepekatax &#616;moti naki asaratit&#616; tyaku &#241;anaunx</div><div class="p"> 1Urapoitityo Jes&#250;s ax&#616;na sane sukar&#616;ma ax&#616;bama nesaxti ap&#243;stoles: &#8220;Anati t&#616;ka&#241;e tamanti &#241;o&#241;&#616;nx taruku nenaxixhti anati tamanti naki asaratit&#616; tyaku. Aboma ax&#616;bama yebomat&#616; uraboimia isukar&#616;ti axti maniki asarat&#616; yutaku nenaxixhti chuxiamp&#616; yach&#616;koiti. 2Axti maniki &#616;mohe aserebiti ityasuruti nanti &#616;moti: &#8216;&#191;Isane ax&#616;na urapoimia sukar&#616;&#241;&#616; ak&#616;t&#616;p&#616;k&#616;? Akuxta sa&#616;bu&#241;&#616; kausane nach&#616;koi a&#616;bu ni&#241;enaxi, tyopiki champ&#616;ki ach&#616;koboibok&#616; auna yesa&#241;&#616;.&#8217; 3Auki axti maniki kiapatax kuat&#616; au &#241;akionkoxti: &#8216;&#191;Kausane ka&#616;ma sobi axti ipiatron champ&#616;ki yach&#616;koboibo&#241;&#616; uiti? Chisus&#616;ukap&#616; nauki &#241;asamu &#241;anaunx, is&#616;soka y&#616;rot&#616; xhanki monixh. 4T&#616;tusiu i&#241;emo kausane sobi, nauki aboma ax&#616;bama yasuriuruma&#241;&#616; au nipox&#616;ma axt&#616; ka&#616;buru xhop&#616;nanaki&#241;&#616; ax&#616;na niyach&#616;koi.&#8217; 5Auki batasuruti &#616;mo ax&#616;bama ebeoma &#616;moti patr&#243;n taikianati taman. &#209;ankitioti p&#616;nanakiti maniki kus&#616;r&#616;bo: &#8216;&#191;Mantukubu nebeki &#616;moti patr&#243;n?&#8217; 6Ai&#241;umuti: &#8216;Xhebeka &#616;moti cien paxopeka aceite.&#8217; Nanti kiapatax &#616;moti: &#8216;Aikonomo iku ax&#616;na kichonimiakax. At&#616;mo aisamuse kiatax ityobo cincuenta.&#8217; 7Ankirioti p&#616;nanakiti kiatax: &#8216;Kar&#616;k&#616;, &#191;mantukubu nebeki &#616;moti?&#8217; Nanti &#616;moti: &#8216;Cien pusaneka trigo.&#8217; Nanti &#616;moti: &#8216;Auna naka naesa kichonimiakax. Aisamuse kiatax ityobo ochenta.&#8217; 8Axti maniki &#616;moche aserebiti uxia &#616;moti ax&#616;na sane chuxiamp&#616; yach&#616;koiti maniki kiapatax ax&#616;na nipiakaxti aisamunenti nanai&#241;a. Tyopiki yutaku nenaxixhimia, axibama ikuki ax&#616;na k&#616;x ipiakama tyakumantoe p&#616;nanaki ax&#616;bama a&#616;toxti Tupax.</div><div class="p"> 9&#8220;Sane naukiche sukana&#241;&#616; aume ui nenaxi ax&#616;na k&#616;x apapache kausane nauki s&#616;r&#616;manama uxia uimia aume, nauki axt&#616; t&#616;butak&#616;rusu namenaxi, anati naki &#241;ana yasuriuruti a&#241;o au napes.</div><div class="p"> 10&#8220;Axti naki uxia yach&#616;koiti a&#616;bu ax&#616;na chimiantai, saneityo uiti a&#616;bu ax&#616;na chama nuxia. Tap&#616;ti naki chuxiamp&#616; nis&#616;borikixhti a&#616;bu ax&#616;na chimiantai, chuxiampityo nis&#616;borikixhti a&#616;bu ax&#616;na chama nuxia. 11Sane naukiche, axt&#616; axa&#241;o a&#616;bu ax&#616;ba chubururaup&#616; namenaxi ikuki ax&#616;na k&#616;x champ&#616; napanaunku a&#616;bu, &#191;&#241;akutip&#616; naki bachebobo &#241;emanauntu amenaxibo? 12Axt&#616; champ&#616; napanaunku a&#616;bu nenaxixhti kiatax, &#191;&#241;akutip&#616; uiche aityoximiati ax&#616;na toxiobo aume?</div><div class="p"> 13&#8220;Champ&#616;ti taman kumanakax yebokati aserebiti &#616;mo ax&#616;bama tox&#616;ma ma&#241;o&#241;&#616;nka. Tyopiki t&#616;borikoti kuatati taman tap&#616;ti kiatax kuas&#616;r&#616;ti &#616;moti, &#616;moti taman makokonaunxti tap&#616; &#616;moti kiatax champ&#616;. Champ&#616;tityo naki yebokati aserebiti &#616;moti Tupax takanaintyo &#241;ome nenaxixhti.&#8221;</div><div class="p"> 14Ax&#616;manuma fariseos, taruku nixhankax&#616;ma &#616;mo monixh, onkoimia nanai&#241;a ax&#616;na sane iyabomati Jes&#250;s. 15Nanti Jes&#250;s &#616;moma: &#8220;Axa&#241;o apisamute takana ax&#616;bama uxia nis&#616;borikixhimia sukar&#616; makiataka, tap&#616;ti Tupax isuputakaiti ax&#616;na ane au nabausas&#616;. Ax&#616;na taruku nikuax &#616;mo ma&#241;o&#241;&#616;nka chuxiamp&#616; &#616;moti Tupax.</div><div class="s">Ax&#616;na bak&#616;pukux uiti Tupax</div><div class="p"> 16&#8220;Ax&#616;na bak&#616;pukux ichepe ax&#616;bama profetas paserebio ichepe niyekixhti Kuan. Aukimanu urapoiti ax&#616;na omixhia manityakax k&#616;t&#616;p&#616; n&#616;riakaxti Tupax, aukimanu namanai&#241;a ane yach&#616;koboiboma nauki a&#616;romapo.</div><div class="p"> 17&#8220;Chitarukup&#616;pae nikuextakax a&#241;axi napes ichepe k&#616;x, ta ax&#616;na korobo iku bak&#616;pukux kokono &#241;ana.</div><div class="s">Manunekanati Jes&#250;s k&#616;t&#616;p&#616; ax&#616;bama posoma</div><div class="r">(Mt 19.1-12; Mc 10.1-12)</div><div class="p"> 18&#8220;Axt&#616; anati taman &#241;o&#241;&#616;nx posoti i&#241;anatiy&#616; peese p&#616;nanaki nik&#616;postoti nauki apoti tatityo a&#616;bu kiatax, ane nip&#616;natenti a&#616;bu. Axti naki posoti a&#616;bu ax&#616;na i&#241;an&#616; peese p&#616;nanakiti ikiana anentyo nip&#616;nate a&#616;buti.</div><div class="s">Axti L&#225;zaro ichepeti naki taruku nenaxixhti</div><div class="p"> 19&#8220;Anati taman &#241;o&#241;&#616;nx taruku nenaxixhti, omeno k&#616;t&#616;p&#616;ti omixhia naibixhti champ&#616; takanache naneneka basaparati ax&#616;ba taruku niyukuax niyartaxti. 20Anatityo kiatax taruku nityakis&#616;r&#616;k&#616;xti n&#616;rixhti L&#225;zaro, s&#616;r&#616;mana ob&#616;rio k&#616;t&#616;p&#616;ti t&#616;monsoti ak&#616; abeu tyurux au nipoxti maniki taruku nenaxixhti. 21Axti naki takis&#616;r&#616; takana xhanxti aityak&#616;manaunkuti nupusatu niyarataxti maniki taruku nenaxixhti nauki a'ati. Tamokoka kuantioityo apikuseba ax&#616;ba ob&#616;rio k&#616;t&#616;p&#616;ti. 22I&#241;atai ax&#616;manu nanenes koi&#241;oti maniki takis&#616;r&#616;, ax&#616;bama &#225;ngeles s&#616;romat&#616; a&#616;buti nauki at&#616;moti a'ati ichepeti Abraham. Taman nanenes koi&#241;otityo maniki taruku nenaxixhti, s&#616;roti k&#616;tu uimia.</div><div class="p"> 23&#8220;Axti maniki taruku nenaxixhti takis&#616;r&#616;ti kauta s&#616;romat&#616; ax&#616;bama makoi&#241;oma, auki iche asaratit&#616; &#616;moti Abraham chepeti L&#225;zaro t&#616;monsoti petakuti. 24Auki tosibikoti: &#8216;&#161;Iya&#616; Abraham, apuk&#616;ru chaku&#241;&#616;! Aik&#616;pusuti L&#225;zaro aipiankati kutaku ne'esti ui tux nauki ayeti ai&#241;uxuxiankati pariu nisaru, ityopiki tarukapae nichakis&#616;r&#616;k&#616; oto ax&#616;na pes.&#8217; 25Tap&#616;ti Abraham ai&#241;umuti: &#8216;Isa&#616;, akions&#616; t&#616;ka&#241;e naukiche as&#616;borikiaiki chauki t&#616;toxio aemo enaxibok&#616;, tap&#616;ti L&#225;zaro toxio &#616;moti nityakis&#616;r&#616;k&#616;xti. Axti ka&#616;ma auna yasutiuti ipuk&#616;nunkubuti, tap&#616; ax&#616;k&#616; atakis&#616;r&#616;k&#616;bok&#616;. 26P&#616;r&#616;k&#616; ax&#616;na, taruku nichekixh aukina somop&#616;nanaki tanu aubesa. Ax&#616;bama xhanx&#616;ma a&#616;romat&#616; tanu, chi&#241;ataip&#616;ma, takanaintyo aukitanu champ&#616;ti i&#241;ataiti auna.&#8217; 27&#8220;Axti maniki taruku nenaxixhti nanti: &#8216;Asamu nuxia, iya&#616; Abraham, aik&#616;pusuti L&#225;zaro au nipoxti iya&#616;, 28kauta abomainki cinco masarukityaiki, nauki akuansomokoti &#616;moma, tap&#616; kuamatityo tauna, asuriuma nityakis&#616;r&#616;k&#616;x&#616;ma.&#8217; 29Nanti Abraham: &#8216;Ane uimia Nikorox uiti Mois&#233;s ui ax&#616;bamaintyo profetas: &#161;tari aikokoma nurax&#616;ma!&#8217; 30Axti maniki taruku nenaxixhti ai&#241;umuti: &#8216;Iya&#616; Abraham, chi&#241;ataip&#616;. Axt&#616; tamanti naki t&#616;koi&#241;oti s&#616;borikoti tato ityusiankanatiy&#616;, champ&#616; n&#616;moche uimia ikokotama.&#8217; 31Tap&#616;ti Abraham nanti &#616;moti: &#8216;Axt&#616; chixhanx&#616;p&#616;ma onkoimia nuraxti Mois&#233;s takana &#616;mo ax&#616;bamaintyo profetas, isiuityo chikokotap&#616;ma nuraxti naki s&#616;borikoti tato.&#8217; &#8221;</div>
 </div>
 </div>
</div>

Nuevo Testamento en Chiquitano © Sociedad Bíblica Boliviana 2002.

Urapoitityo Jesús axɨna sane sukarɨma axɨbama nesaxti apóstoles: “Anati tɨkañe tamanti ñoñɨnx taruku nenaxixhti anati tamanti naki asaratitɨ tyaku. Aboma axɨbama yebomatɨ uraboimia isukarɨti axti maniki asaratɨ yutaku nenaxixhti chuxiampɨ yachɨkoiti. Axti maniki ɨmohe aserebiti ityasuruti nanti ɨmoti: ‘¿Isane axɨna urapoimia sukarɨñɨ akɨtɨpɨkɨ? Akuxta saɨbuñɨ kausane nachɨkoi aɨbu niñenaxi, tyopiki champɨki achɨkoboibokɨ auna yesañɨ.’ Auki axti maniki kiapatax kuatɨ au ñakionkoxti: ‘¿Kausane kaɨma sobi axti ipiatron champɨki yachɨkoboiboñɨ uiti? Chisusɨukapɨ nauki ñasamu ñanaunx, isɨsoka yɨrotɨ xhanki monixh. Tɨtusiu iñemo kausane sobi, nauki aboma axɨbama yasuriurumañɨ au nipoxɨma axtɨ kaɨburu xhopɨnanakiñɨ axɨna niyachɨkoi.’ Auki batasuruti ɨmo axɨbama ebeoma ɨmoti patrón taikianati taman. Ñankitioti pɨnanakiti maniki kusɨrɨbo: ‘¿Mantukubu nebeki ɨmoti patrón?’ Aiñumuti: ‘Xhebeka ɨmoti cien paxopeka aceite.’ Nanti kiapatax ɨmoti: ‘Aikonomo iku axɨna kichonimiakax. Atɨmo aisamuse kiatax ityobo cincuenta.’ Ankirioti pɨnanakiti kiatax: ‘Karɨkɨ, ¿mantukubu nebeki ɨmoti?’ Nanti ɨmoti: ‘Cien pusaneka trigo.’ Nanti ɨmoti: ‘Auna naka naesa kichonimiakax. Aisamuse kiatax ityobo ochenta.’ Axti maniki ɨmoche aserebiti uxia ɨmoti axɨna sane chuxiampɨ yachɨkoiti maniki kiapatax axɨna nipiakaxti aisamunenti nanaiña. Tyopiki yutaku nenaxixhimia, axibama ikuki axɨna kɨx ipiakama tyakumantoe pɨnanaki axɨbama aɨtoxti Tupax.
“Sane naukiche sukanañɨ aume ui nenaxi axɨna kɨx apapache kausane nauki sɨrɨmanama uxia uimia aume, nauki axtɨ tɨbutakɨrusu namenaxi, anati naki ñana yasuriuruti año au napes.
“Axti naki uxia yachɨkoiti aɨbu axɨna chimiantai, saneityo uiti aɨbu axɨna chama nuxia. Tapɨti naki chuxiampɨ nisɨborikixhti aɨbu axɨna chimiantai, chuxiampityo nisɨborikixhti aɨbu axɨna chama nuxia. Sane naukiche, axtɨ axaño aɨbu axɨba chubururaupɨ namenaxi ikuki axɨna kɨx champɨ napanaunku aɨbu, ¿ñakutipɨ naki bachebobo ñemanauntu amenaxibo? Axtɨ champɨ napanaunku aɨbu nenaxixhti kiatax, ¿ñakutipɨ uiche aityoximiati axɨna toxiobo aume?
“Champɨti taman kumanakax yebokati aserebiti ɨmo axɨbama toxɨma mañoñɨnka. Tyopiki tɨborikoti kuatati taman tapɨti kiatax kuasɨrɨti ɨmoti, ɨmoti taman makokonaunxti tapɨ ɨmoti kiatax champɨ. Champɨtityo naki yebokati aserebiti ɨmoti Tupax takanaintyo ñome nenaxixhti.”
Axɨmanuma fariseos, taruku nixhankaxɨma ɨmo monixh, onkoimia nanaiña axɨna sane iyabomati Jesús. Nanti Jesús ɨmoma: “Axaño apisamute takana axɨbama uxia nisɨborikixhimia sukarɨ makiataka, tapɨti Tupax isuputakaiti axɨna ane au nabausasɨ. Axɨna taruku nikuax ɨmo mañoñɨnka chuxiampɨ ɨmoti Tupax.

“Axɨna bakɨpukux ichepe axɨbama profetas paserebio ichepe niyekixhti Kuan. Aukimanu urapoiti axɨna omixhia manityakax kɨtɨpɨ nɨriakaxti Tupax, aukimanu namanaiña ane yachɨkoboiboma nauki aɨromapo.
“Chitarukupɨpae nikuextakax añaxi napes ichepe kɨx, ta axɨna korobo iku bakɨpukux kokono ñana.


“Axtɨ anati taman ñoñɨnx posoti iñanatiyɨ peese pɨnanaki nikɨpostoti nauki apoti tatityo aɨbu kiatax, ane nipɨnatenti aɨbu. Axti naki posoti aɨbu axɨna iñanɨ peese pɨnanakiti ikiana anentyo nipɨnate aɨbuti.

“Anati taman ñoñɨnx taruku nenaxixhti, omeno kɨtɨpɨti omixhia naibixhti champɨ takanache naneneka basaparati axɨba taruku niyukuax niyartaxti. Anatityo kiatax taruku nityakisɨrɨkɨxti nɨrixhti Lázaro, sɨrɨmana obɨrio kɨtɨpɨti tɨmonsoti akɨ abeu tyurux au nipoxti maniki taruku nenaxixhti. Axti naki takisɨrɨ takana xhanxti aityakɨmanaunkuti nupusatu niyarataxti maniki taruku nenaxixhti nauki a'ati. Tamokoka kuantioityo apikuseba axɨba obɨrio kɨtɨpɨti. Iñatai axɨmanu nanenes koiñoti maniki takisɨrɨ, axɨbama ángeles sɨromatɨ aɨbuti nauki atɨmoti a'ati ichepeti Abraham. Taman nanenes koiñotityo maniki taruku nenaxixhti, sɨroti kɨtu uimia.
“Axti maniki taruku nenaxixhti takisɨrɨti kauta sɨromatɨ axɨbama makoiñoma, auki iche asaratitɨ ɨmoti Abraham chepeti Lázaro tɨmonsoti petakuti. Auki tosibikoti: ‘¡Iyaɨ Abraham, apukɨru chakuñɨ! Aikɨpusuti Lázaro aipiankati kutaku ne'esti ui tux nauki ayeti aiñuxuxiankati pariu nisaru, ityopiki tarukapae nichakisɨrɨkɨ oto axɨna pes.’ Tapɨti Abraham aiñumuti: ‘Isaɨ, akionsɨ tɨkañe naukiche asɨborikiaiki chauki tɨtoxio aemo enaxibokɨ, tapɨti Lázaro toxio ɨmoti nityakisɨrɨkɨxti. Axti kaɨma auna yasutiuti ipukɨnunkubuti, tapɨ axɨkɨ atakisɨrɨkɨbokɨ. Pɨrɨkɨ axɨna, taruku nichekixh aukina somopɨnanaki tanu aubesa. Axɨbama xhanxɨma aɨromatɨ tanu, chiñataipɨma, takanaintyo aukitanu champɨti iñataiti auna.’ “Axti maniki taruku nenaxixhti nanti: ‘Asamu nuxia, iyaɨ Abraham, aikɨpusuti Lázaro au nipoxti iyaɨ, kauta abomainki cinco masarukityaiki, nauki akuansomokoti ɨmoma, tapɨ kuamatityo tauna, asuriuma nityakisɨrɨkɨxɨma.’ Nanti Abraham: ‘Ane uimia Nikorox uiti Moisés ui axɨbamaintyo profetas: ¡tari aikokoma nuraxɨma!’ Axti maniki taruku nenaxixhti aiñumuti: ‘Iyaɨ Abraham, chiñataipɨ. Axtɨ tamanti naki tɨkoiñoti sɨborikoti tato ityusiankanatiyɨ, champɨ nɨmoche uimia ikokotama.’ Tapɨti Abraham nanti ɨmoti: ‘Axtɨ chixhanxɨpɨma onkoimia nuraxti Moisés takana ɨmo axɨbamaintyo profetas, isiuityo chikokotapɨma nuraxti naki sɨborikoti tato.’ ”

استمع إلى LUCAS 16